SALLY a shaina nehangano ewiliki

0
336

WINDHOEK-Konima yomimvo ndatu sho oalubuma ye yotango ya andjaganekwa noya li ya hokiwa kaapulakeni ye, omuhikingalo Sally ‘Boss Madam’, okwa galukile ishewe mondambo, pethimbo ndika ye ota longo kohi yehangano ekwati neningi lyoongalo epe lyedhina Omake.

Sally nomusamane gwe omweetipo  gwomusiki niikwelengendjo K-Boss oya shaina euvathano nehangano Omake, komeho getseyitho lyoalumbuma yawo ndjoka ya tegelelwa yedhina, ‘Mukwanekamba’ ndjika otayi ka tseyithwa omwedhi tuuka.

‘Mukwanekamba’ otayi popi kombinga yekondjo lye , omasindano ge oshowo uukwatyankondo nuukwatya we mboka uuwanawa.

“Onda nyanyukwa okumona ehangano ndyoka tali kala mewiliko lyiilonga yandje.Shika osha kutha ndje omutenge omunene komapepe nosha pendje ompito opo ndikale ndiitula miilonga yoku hika nawa oongalo ndhoka dha hokiwa kaapulakeni yandje, ngame ndaana omaipulo kombinga ya nkene oongalo noalbuma dhandje tadhi landithwa pondje nomeni lyoshilongo. Atuhe otwa tegelela opo oalbuma ndjika ompe ndjoka tayi pulakenwa kaanongo yopaigwana oshowo mboka yomegumbo opo yi pite, konima sho mbaka ya pulakene limwe lyomomaimbilo moalbuma ndjika,” Sally osho ati.

Ongalo yedhina ‘Sweet Love’, ngashingeyi oya hokiwa kaapulakeni yomwaalu  207 360 koYouTube, omanga oalbuma ye inaa yi tseyithwa.

Omunambelewa omukuluntupitithi gwOmake, Confidence Musariri kali ta vulu okuholeka enyanyu lye kombinga yaashika.

“Kapena omwiimbi omukiintu moshilongo muka ngoka ta vulu okuyelekwa na Sally. Team Sally oyi ilongekidha okufala omusika ye pondondo yopombanda yokuteya orekorda.”

Sally

LEAVE A REPLY

Please enter your comment!
Please enter your name here