Ta hepekwa koombepo dhanyata

1
298

ONIIPA – Okakadhona koomvula 18 otaka hepekwa koombepo ndhono kaa keshi kutya otadhi zi peni. Aina Pinehas omulongwa mondondo onti-11 posekundeskola Ekulo moshitopolwa shaShikoto, okwa hokolola uudhigu we mbono ta ti okwa kala ewu idhidhimikila ethimbo ele ngaashingeyi.

Pinehas okwali a hokolola kutya okwa kala noshinima tashi mu hepeke shono shemu tameka manga ali ena oomvula 12. Pinehas a za kegongalo Oniipa okwa ti okwa kala owala ena oshinima hashi mu pondo shampa a kalala.  “Olundji ohandi kala owala tandi ulukilwa omathano gaantu yasa nale ngele nda lala, iinamwenyo yasa, po pethimbo limwe ohandi yaguma owala ndili momalambo tandi gwilemo,” Ta hokolola ngaaka.

Ta hokolola kutya oha kala uuvite ombepo tayi pepe yo yafa ya hala okumu yambulapo, ye anuwa ethimbo limwe sho a kotha oha kala owala uuvite omuntu ta yanuna omambo ye tega yala pombunda ye, emu thindilapo. Ta ti ando sho ta kambadhala a kuge nenge a penduke ita vulu oshinima oshemu thindilapo owala.

Okwa ti oshinima shika ohashi ge ye unene pethimbo lyomakonakono  sho ha kala owala e wete omilema naasho a hala oku ilonga membo anuwa omuna owala omilema. “Oshinima shino onda kala handi shi lombwele aakuluntu yandje sho nda koko oshoka nale kandali ndishi mpoka shu uka ashike paife ondiwete kutya otashi ka etela ndje ngame ndi kale inaandi mana eilongo lyandje, onkee otandi indile moshigwana oshiholike kehe ngoka ta vulu a kwathelendje muudhigu mbuka ndili a pendje ekwatho oshowo omayele ngoka tandi vulu okuninga oshoka onda lulilwa ngaashingeyi no kandishiwe shoka ndina okuninga.

Pinehas ta ti ngaashi oshiwike sha piti sho ya tameke oku shanga omakonakono oshinima shika oshali sha pimbila noonkondo, okwa kala owala anuwa ewete omizizimbe dhaantu yemu landula ashike nenge oku tale ka puna omuntu omizizimba dhowala. Oha kala owala anuwa uuvite ewi tali mu ithana omalupita tali pula mpoka eli. Tati ngele eli momilema oha kala owala e wete omeho geli gaali ga tema gemu landula.

Okakadhona hano pamwe naavali yako otaya kongo ekwatho oshoka anuwa okwali ngaa yayi ku dhimwe dhomoongeleka aka galikanenwe ashike oshinima ohashi mwenapo owala sho tashi tameke ishewe konima yoshiwike.  “Ondili muudhigu no kandi shiwe shoka ndi ninga, ondahala ku mana eilongo lyandje ngame ndika tsikile ashike kandishi kutya oshinima shino shoombepo osha halelandje shike, kandinawe nombepo yoku ilonga nonande ndili momakonakono,” Ta ti ngaaka.

 

 

1 COMMENT

LEAVE A REPLY

Please enter your comment!
Please enter your name here