Aanasikola yondondo onti-10 posikola yEngoyi oha ya lala natango mootenda

0
468

ONYAANYA-Aalongwa mboka ta ya hiti ootundi dhawo dhondondo onti-10 posikola Engoyi Combined School moshikandjohogololo Onyaanya moshitopolwa Oshikoto, onkene ta ya hupu sho kadhila, molwonkalo ndjoka ta yi limbilike sho ha ya lala mootenda molugumbo lwosikola.

Konyala aalongwa yaadha pomwaalu guthike po 48 mwakwatelwa aamati yeli 27 naakadhona yethike po 21, oyo yeli monkalo ndjika.

Oshifo Kundana osha kundana kutya aailongi mbaka taya hupu shokadhila ota ya thiminikwa ke konakono lyawo ndyoka lili mokati kawo, naandyoka lyahugunina ya taalela muKotoba.

Gumwe gwomaanasikola mboka ha ya lala mootenda, Iipinge Shivute Ndilimeke okwa holola ta ti ye kaandjawo okokule noonkondo no ha ende ookilometa dhaadha pundatu opo a kale a thika posikola kehe esiku. “Ngaashi tse yamwe komagumbo getu kakuna omalusheno, ko ishewe oko kule tse katuna nkene tatu ilongo opo tu pite ekonakono lyetu lyahugunina,” Ndilimeke ta ti ngaaka.

Aalongwa ooyakwawo otaya holola kutya nonando oya mono ekwatho lyotango okukalela omambo gawo posikola opo tuu mpoka, oyeli ta ya mono iihuna oshoka kapuna uundjugo wokwiikwathela wagwana, uuyiyogelo, niikulya ya gwana, yo oha ya lala yeli yatatu nenge yane kehe mokatenda kamwe.

Pomakwatathano pamwe nomukuntusikola gwosikola ndjika Mirjam Ndaoya, okwa ti ndjika oyo ashike yali onkambadhala yili hwepo oku kwathela aanona mbaka opo ya vule okupita ekonakono lyawo lyahugunina niitsa iiwaanawa. Okwati aanona ayehe oha ya mono omakwatho okuza kaakuluntu yawo ngele tashiya piikulya, oshoka kehe omukuluntu okwa li a gongele ooN$420 ku kehe okanona ha ka lala posikola, oolata mbali dhiilya osho woo omakaka.

Ndaoya ota indile ihe opo epangelo nenge Uuministeli wElongo wukambadhale sigo oompoka ta wu vulu opo wu ningile aanona omihandjo dhosikola dhokulala, unene mboka wuli moondondo dhopombanda opo wu vule okupita niitsa iiwaanawa. Okwa ti ishewe  Engoyi ota lyeende tali thiki pamuthika gwopombanda, molwa ashike aakuluntu mboka ha ya kambadhala ngaashi oku igwedha opo ya tunge omatungo gosikola, okutelekela aanona, noku ya ningila uupeleki moka ta ya vulu okulala. Okwa indile ishewe aakuluntu opo yiitulemo noyiipe oshinakugwanithwa shaanona yawo yo ye ya sile oshmpwiyu.

Ndaoya okwa indile opo osikola ye yi tungilwe omatungo omape, oolibrary, ookompiuta, eelaboratoli opo aanona ya mone elongo lyafa lyooyakwawo. Okwa indile ishewe opo ya tungilwe omagumbo gaalongi, nuundjugwo waalongi.

Engoyi-2

LEAVE A REPLY

Please enter your comment!
Please enter your name here