A dhipaga omukiintu gwe eti imangeleke

0
420

OUTAPI-Omukiintu gwepipi lyopokati ngoka a li omuniilonga moSalon yimwe mOutapi okwa si eso enyayalithi sho a dhipagwa komulumentu gwe.

Oshiningwanima shika oshali sha thigi oyendji kaa yena iitya nomatumbulo oshoka anuwa omukadhona nguka okwali ehole aantu.

Johanna Hishinawa Angula omuanmimvo 25 okwali a tsuwa noombele lwiikando ihetatu molutu aluhe sigo ota si.

Angula okwa valelwa komukunda Oshikondiilongo moshikandjohogololo Okatana moshitopolwa shaShana na okwali a yi kondoolopa Outapi a ka konga iilonga, moka a li ta longo mosalon.

Okwa hokololwa kutya Johanna okwa li mohole ethimbo kaali shiwike nomulumentu ngoka e mu dhipaga. Kakushiwike naa nawa kutya  oshi etithi shedhipago oshike .

Angula okwa hokololwa kutya okwa kala mohole na Jonas Shalongo omunamivo 31 ngoka anuwa ali emu mbothagula nombele ndjoka kwa hokololwa kutya okwe yi landa nelalakano okudhipaga omuholike gwe oshoka okambapila komalandelo oko ka adhika kombele ndjoka.

Shalongo omvalele yokomukunda Epoko moshikandjohogololo shaKalongo moshitopolwa shaMusati na okwa kala ha landitha omayapula momapandaanda.

Mboka yeshi Shalongo oya ti omuntu ashike gwowala ngoka a putukila megumbo lyali lyamwene gwomukunda.

Otaku hokololwa kutya anuwa Shalongo okwa li ya monika nomuholike gwe mOsoondaha komatango na ka pwali naanaa omandhindhiliko taga ulike uuwinayi.

Ngoka ali ha rentinga megumbo limwe na nakudhipagwa okwa li a hokololele opolisi kutya sho Angula eya megumbo oya yi mondunda moka ndele tamukala mwamwena.

Okwa tumine Angula oka tumwalaka okahupi kongodhi opo eye alye ashike ina galula.

Ongula sho kwashi okwali a konkola po opo a popithe mukwawo manga inaya aka longe, ihe okwali a limbililwa sho ka muna omainyengo gasha, okwa li a tondokele puushiinda opo eya lombwele kutya mukwawo ita itaale ihe okulimo nomumati.

Ehokolo olyati sho omusamane gwopuushiinda eya okwa ontamene pekende eta mono omuntu a endjelela nokutseyithila opolisi ndjoka ya yi mo mondunda.

Shalongo okwali a adhika a endjelela mondunda a imangeleka nongodhi omanga omuholike gwe eli metente lyombinzi.

Ashike aniwa Angula okwali ngaa a popi pu ya kwawo kutya kayi iyuvite nomuholike gwe ashike kapuna ngoka eshi shoka lela sha endapo.

Omupopiliko gwopolisi moMusati warrant, Lineekela Shikongo okwa koleke oshiningwanima shika ati omazimo gopaali oga tseyithilwa nale.

LEAVE A REPLY

Please enter your comment!
Please enter your name here