Etanga lyaAmseb pehulilo lya dhengitha Ingwe

0
238

Windhoek-Esindano lyoAfrican Stars muudhano wawo nospana yo Tigers sho ya li taya kondjele ekopi lyo Standard Bank Super cup olya li lya dhimbitha omahilathano ngoka gali pokati kospana ndjika nomudheuli gwayo nale Woody Jacobs..

Ospana ndjika ya li neholokepo epe oye shi pondola okudhenga mo aakondjithi yayo yaaluhe yo Tigers, nongeyi oyi imonene ekopi ndika lya dhanenwa oshikando oshitiyali  oshowo oshimaliwa shooN$ 500 000. Uudhano  owa li wa dhanenwa pokapale ka Sam Nujoma Stadium Olyomakaya ga yi.

Ospana ndjika ya li mewiliko epe lyomudheuli gwayo gwonale Bobby Samaria oya li ya ningi oonkambadhala  adhihe oku keelela ndjoka yo Tigers andola yi sindanepo ekopi ndyoka. Ospana yo Tigers oyo yali tayi dhana hwepo noyendji oya li ya tegelela ngiika oyo yi sindanepo ekopi ndika ihe shono inaa yi shi pondola okutulamo okoola, African Stars ngoka a tulamo okoola oye a sindana pehulilo lyuudhano mbuka.

Samaria, okwa adhika opo ashike a zi kospana yo Tigers ongo omudheuli gwospana ndjoka uule womumvo guudhano gwo 2014/2015, ye oye eyi wilike opo yi vule okusindana muudhano wekopi lyo Bidvest Cup. Ihe nando okwa li a fala Tigers kesindano ndika nguka okwa li a tidhwa miilonga yokudheula ospana ndjoka.Ihe nokwaa uva nayi, Samaria okwa yi  noku shuna kegumbo hoka a zile ongo omumati a kanene , opo hoka okwa ka longa ospana yo Tigers oshilongwa muudhano wetanga.

Uudhano mbuka owa li wa uthwa keshito oshoka oospana ndhika mbali odha tsakanene molwashoka dho odha li dha sindana yimwe enyakwa lyoliha yo MTC omanga onkwawo oyo yi na ekopi lyo BidVest.

Tigers otashi vulika uuvite nayi kutya nando oye kwali ta dhana nawa haye eke shi pondola okutulamo okoola nokusindana uudhano mbuka. Oshoka muudhano wetanga lyokoompadhi shoka hashi eta esindano hasho okudhana nawa ndele uuna ashike omudhani nenge ospana tayi tula mo ookoola opo ashike tayi kala nekwashilipaleko lyesindano.

Ospana yo Tigers konyala oyo ya li tayi ti pii uule wominute omilongo 90 dhuudhano ndele oya ka dhengwa komunute dha hugunina shazi metokolo lyankundipala lyaadhani yokonima.Ospana yoStars, kombinga yayo oya li ya gamene okoola yayo naashihe shoka yi na nongeyi inayi ethelamo nando okoola yimwe , nonando oya kala kohi yiiponokela itaayi nuwa meya yaadhani yospana yo Tigers mboka olundji ya palutha okutulamo omatanga.

Etanga olya kala tali dhanwa okuza kombinga noku ya konkwawo noospana adhihe odha ndopa okuthangelamo okoola.Nando ospana yoTigers ya kala oyo yi na etanga ndjika inayi shi pondola  okuthangelamo okoola nando oyimwe.

African Stars ndjoka ya li ya dhengwa koBlack Africa muudhano mbuka woSuper Cup oshikando shotango oya li yi ilongekidha nawa opo yaa kanithe nando uudhano mbuka pompito ndjika.Omudhani gwawo omupe gwedhina, Obrey Amseb, okwa longo iinyengandunge sho a thanga etanga lya nanwa okuza oshinano konyala shoometa 40 naandika olya yi mokoola nonando omukwati omukulu nokwa kalamo nale mokoola yo Tigers , Fox Nambundunga, a li a kambadhala oku li keelelamo.

Oospana odha kala ngaaka neyalulo lyokoola yimwe monola sho kwa li  kuna ashike ominute omulongo nantano uudhano wu ye pondje. Nando aaponoklei yo Tigers ya li ya kambadhala okuthangelamo omatanga ospana yoAfrican Stars oya hupu no inaa yi tulilwamo okoola nongeyi oya yi kegumbo, ondjamba nooN$500 000 omanga ndjoka yoTigers ya hekelekwa noN$ 250 000.

Ingwe oye  a kala netanga uule wethimbo lyuudhano , ihe nee ookoola odho hadhi sindanitha uudhano molwashoka aamati yomOshandumbala inaya vula okutulamo ookoola uudhano mbuka ina ya vula wo okuwu sindanapo.

 

LEAVE A REPLY

Please enter your comment!
Please enter your name here