Oliha yoBasketball mOshana ehuuliloshiwike ndika

0
190

OSHAKATI-Konima sho oliha yuudhano wo Basketball yali ya totwapo mOshana kuyele nuumvo aakalimo yomoShana niitopolwa yopuushiinda otaya ka etelwa omaudhano gotango goliha ndjika ehuuliloshiwike ndika pokapale ko UNAM Engineering Campus mOngwediva.

Omupopiliko gwoliha ndjika, Laina Ndoroma okwa ti elalakano lyoliha ndjika olyo okupendulapo uudhano mboka wuli tawu ende ta wu shongola moshitopolwa no wafa hawuliwa oshipungo.

Okwati oliha oya egulukila Osipana kehe yina ohokwe oku kutha ombinga momaudhano ngaka na oyina aadhani yeli pokati komimvo 18-40.

Ota hiya oosipana dhiye dhi kuthe ombinga uunene tu oosipana dhaakadhona oshoka omwaalu gwoosipana ndhoka dhi ishangitha ita gu eta oonkondo.

Ota indile aavali opo ya pe ompito uunona wawo opo wu ye wu kuthe ombinga muudhano mbuka ta ti shika ota shi ka kuthapo omashongo ogendji ngoka ga taalela aanyasha ngaashi elongitho lyomalovu ga pitilila elongitho lyiingangamithi nosho tuu.

Uudhano mbuka owa kwashilipalekwa kongesefa yo Zula Wear ndjoka natango ta yi kwathele noku opalekulula uupale wobasketball mOshana.

Ota indiile aantu ayehe mOshana opo ya ka mone omainyanyudho ko kapale ka UNAM Engineering Campus mOngwediva ongula ya nakwasha.

LEAVE A REPLY

Please enter your comment!
Please enter your name here