Omaishangitho gokakadhonadhingi mOkapya ogeli metifa

0
216

ONDANGWA –Omaishangitho guukadhona mboka wa hala okukutha ombinga methigathano lyokakadhonadhingi mOkapya ogeli metifa ngaashingeyi. Yamwe yomaalongekidhi yoshituthi shika oyali yeshi yelitha kuyele oshiwike shika.

Okwa tegelelwa aakadhona mboka yena oomvula okutameka po18 sigo 25 ya kale yiishangitha manga kuyele opo kaa ya ka hupeko yo ya kale inaaya kutha ombinga methigathano olyo tuu ndika.

Elvis Endjala ngono ta unganeke ethigathano ndika lyo 2015 okwali eshi yelitha pambelewa kutya nonuumvo ethigathano lyokakadhona dhingi mOkapya oko lili no tali ka kalako kuyele muDesemba. “Otwa tegelela oontana dhanelende adhihe ndhoka dhina ehalo nodha hala dhi ka kuthe ombinga dhi longithe ompito ngaashingeyi dho dhi kale dha ninga omaindilo oshoka oofooloma odha pita,” Endjala ta ti ngaaka.

Ethigathano lya Miss Okapya olyali lya longekidhwa lwotango momumvo 2010 mono aagundjuka yomOkapya yali ya mono sho opala noshuuka opo aluhe pehulilo lyomumvo kehe ku kale haku ningwa ethigathano lyokakadhonadhingi mOkapya moka.

“ Konima sho twali twa ningi ethigathano lyetu lyotango ndyoka lyali lyafa omalolelo otwali twa mono kutya nani omathamba ogendji ogi itulamo nogena ohokwe yomathigathano ngaa ngaka, shino oshali she tu tsu omukumo nomathigathano ngaka oga kala taga pula komeho no pwaana uunkundi washa,” Ta gwedhapo ngaaka.

Ethigathano ndino olya thanekwa li ka ningilwe pEkamuti mOndangwa mono kwa tegelelwa aahikingalo yomoshilongo ya ka kuthe ombinga, mono mwa kwatelwa nomainyanyudho omawanawa. Ethigathano lyokakadhonadhingi nuumwo otali ningwa oshikando oshitihamano konima sho lyali lya totwa mo2010.  Mo 2014  Hilde Amutse oye ali a sindanapo oshishani shokakadhonadhingi mOkapya.

Oofooloma otadhi adhika pEkamuti mOndangwa, J and P Group solution poNashitoke Platz mondjila onene ngele wu uka kOshakati oshowo mOvenduka. Otadhi adhika woo komalungula ko missokapya@gmail.com. Esiku lya hugunina lyoku ishangitha ku kehe ngoka a hala oku ka kuthombinga opehulilo lyaKotoba. Komapulo mona Endjala ko 0814053645 nenge Tuli Ekandjo 0812004610.

LEAVE A REPLY

Please enter your comment!
Please enter your name here