Omushingi wotaxi a kwatelwa mOtjiwarongo

0
431

OTJIWARONGO – Opolifi yaTjiwarongo moshitukulwa Otjondjozupa, ongula inene yOsoondaxa yadjako oya kwata omufekelwa womido 31, omushingi wotaxi moshitukulwa shaHangwena ta fekelwa medipao eshi a hangika noshipandi shoimaliwa taku fekelwa ei nyeka omutwaalelwa ou a dipaa. Ouyelele owa yandjwa komunambelewa omupoliko wopolifi yoshitukulwa Otjozondjupa Warrant Officer, Maureen Mbeha.

Mbeha ta holola kutya, Olomakaya ladjako omufekelwa okwa dja nomutwaalelwa kEngela va finda kOshakati va enda mondjila ya pita mEndola. Mbeha ta weda po kutya, manga inava fika mOshakati, omushingi wotaxi ota fekelwa kutya lwopotundi onhi-15H00 okwa yasha omutwaalelwa nombistoli medimo nokufya pokafimbo opo. Mbeha ota ti, nakufya ou kwa li e na oimaliwa ihapu, eshi a fya omufekelwa okwa ekela omudimba  moluxwa pokati komikunda Omundudu nOshimwaku moshitukulwa shaHangwena.

Mbeha okwa weda po kutya, omufekelwa okwa kufa po oimaliwa yomutwaalelwa ou a dipaa, ta shingi  fiyo omOshakati nokupula omupambele e mu fidikile koWindhoek. Opolifi yoshitukulwa shaShana mokuuda ouyelele diva,  oya nofwela ko opolifi yoshitukulwa shaHangwena, nouyelele owa tandavela fiyo  okovanambelewa vopolifi koitukulwa ikwao sha etifa ava manga va li molweendo okuya koWindhoek va londa mokaToyota Runx  ka mbulau, va kwatwepo potundi 01H29 eshi va fika mOtjiwarongo.

Omupopiliko wopolifi okwa yelifa kutya, opolifi oye va twala kosasiona yomOtjiwarongo, oko ye va pulaapulila noya hanga ohonde italala konyome ya imwe yomeembistoli, oshoyo ooN$ 8 900 keemuma. Ovafekelwa ova holoke momangu yamangestrata waShakati Etivali oshivike eshi ina va pewa veli futilemo nekonaakono lopolifi otali twikile.

LEAVE A REPLY

Please enter your comment!
Please enter your name here