Oniipa ya ningi ondoolopa

0
338

ONIIPA – Konima sho elelo lyoshitopolwa Oshikoto lyali lya tseyitha omvula yo2 014 kutya otashi vulika moshitopolwa shaShikoto mu ka totwe ishewe ondoolopa yimwe, oshiwike shayi etseyitho ndika olya tulwa miilonga. Moshitopolwa shika omwa li ashike oondoolopa mbali.

Molyomakaya goshiwike sha ziko aaleli yomOshikoto ngoloneya gwoshitopolwa shaShikoto Henock Kankoshi, omukuutumbithi gwelelo lyaShikoto Max Nekongo Kansela gwaLukonda Darius Shikongo, kansela gwaNiipa John Shiind,omukwatelikomeho gondundu yoSwapo mOshikoto, Armas Amukwiyu oshowo aawiliki yoondondo dha yoolokathana mOshikoto pamwe naakwashigwana ayehe oyali ya ningi oshigongi shono shali sha ningilwa pombelewa yaKansela pOniipa.

Omukuutumbithi melelo lyaShikoto Max Nekongo okwali a tseyitha kutya oyali ya longekidha oshigongi shika konima sho oshigwana shali sha tseyithilwa omumvo gwayi kutya Oniipa otayi ka ningwa ondoolopa. “Ethaneko ndino otwa li tweli fala kepangelo nolyali lye tupe eyamukulo kutya ethaneko lyetu olya taambwako nosha pitikwa opo Oniipa yi ningwe ondoolopa ano shino sha hala kutya Oniipa ngaashingeyi oyili pamuthika gondoolopa,’ Nekongo ta ti ngaaka.

Ngoloneya Kankoshi pethimbo ali ta popitha aakwashigwana mboka yali ya gongala poshigongi okwali a tseyitha kutya ngaashingeyi oshili pambelewa kutya Oniipa oya ninga ondoolopa ndjono tayi kala tayi ithanwa Oniipa Town  tayi kala mewiliko lyOniipa Town Council. Kankoshi okwa indile ayehe mboka yeli moongamba dhondoolopa ndjika yi iyuthe komalombwelo, yo ya yande okutunga mpoka pwa thaanekelwa omahumokomeko yo yaaye omahumokomeho gepangelo moshipala.

Kankoshi ta indile ooyene yomikunda ndhoka dhili moongamba dhOniipa opo ya yande okulangeka meni lyondoolopa oshoka olya ninga evi lyepangelo no kapena ngoka ena uuthemba wokulangekamo we. Oniipa otayi kala tayi ilele yoyene ngaashi oondolopa oonkwawo. Ta gwedhapo kutya ngaashingeyi mOshikoto omuna oondoolopa ndatu ndhono dha kwatelamo ndjoka ompe Oniipa, Omuthiya oshowo Tsumeb.

“Oshitopolwa shetu shaShikoto otwi ipyakidhila oku etamo omahumokomeho ogendji, onkee tatu indile aakwashigwana yetu ya gandje elongelokumwe opo tu humithe komeho oshitopolwa shetu, omalamba oga tulwa nale mondjila ndjoka onene yoB1 yaNdangwa-Onethindi, notwa tameka nale okuninga omapandaanda noku andjakaneka omeya oshowo omayakulo galwe ngoka taga kala mondoolopa oyo tuu ndjika,”Kankoshi tati ngaaka.

Okwa gwedhapo woo kutya oya thaneka ku kale kwa tungwa opate ndjono tayi kala yina oobaana mbali , no tayi kala yina ookilometa dhili 142 tayi tamekele mOngwediva sigo okOnashikuvu kOmuthiya. Kankoshi tati shino otashi kala sha ningwa mbala oshoka uupena owa dhikwa nale mpoka ondjila yatya ngeyika ya thaanekelwa.

Elelolo ndika olya tameka nale oku tunga mpoka tali vulu manga, Omasiku ga ziko okwali mwa tulwa omalamba ngono geli mondjila onene (B1) Ondangwa-Onethindi. Kansela Nekongo tati oyi ipyakidhila noku ninga omapandaanda, noku andjaneka omeya, oshowo ya fula omalambo gonyata. Minista Charles Namholo okwali a indile elelo ndika opo li tunge manga taya tameke no extension 1, ya gandje omayakulo gomeya, tati omahogololo gelelo lyondoolopa ndjika ya Niipa otaga ka kalako omumvo taguya.

 

LEAVE A REPLY

Please enter your comment!
Please enter your name here