Ovafekelwa medipao leemhanda va holoka momangu

0
357

OKAHAO – Ongudu yovafekelwa 24  ova holokele momangu yamangestrata waKahao moshitukulwa shaMusati oshivike sha djako tava tamanekelwa edipao loifitukuti ya amenwa osh yo oku ya koukongo u he li paveta.

Ovafekelwa ava ova holoka moihokolola komesho yamangestrata  Liwena Mikiti, noihokolola yavo oya undulilwa komafiku a-7 a-Septemba neudo manga tava kongo ovakalelipo paveta. Opolifi nayo otai twikile nomakonaakono moukongo wu heli paveta ou.

Pauyelele wa yandjwa komweeti woihokolola, Victoria Shigwedha owa ti, ovafekelwa medipao leemhanda moshikunino shopashiwana shoifitukuti mEtosha, ovo moshitukulwa shaShana nombinga yOmusati.Vamwe vomongudu yovafekelwa ova dja momikunda domoshitukulwa shaMusati kOnamatanga, Uutsathima, Omakange, Opuwo, Etilyasa, Otjetjekua, Otjonova, na vamwe ova dja koWalvis Bay umwe okwa dja koWindhoek va ile okukonga eembinga deemhanda.

Shigwedha okwa ti, vahamano mongudu yavakwao, molwouyelele inau yela moshikoya shavo ova efiwa, vo ava ovo Mateus Matati Kauzapo,weedula 34, Daniel Shikongo 22, Tiofilus Paulus Kauzapo 25, Kauko Muumbwa Song 26, Mavetjere Tuntjo Tjikapute 32, oshoyo Matheus Paulus weedula 59.

Shigwedha ta weda po kutya, Tobias Sheetu Amunyela, 25; Lukas Akooko, 35; naPineas Natangwe Awene Tobias weedula 39 ove limbeelamo ooN$40 000keshe umwe. Ovafekelwa 15 ove li natango modolongo.

Komanda yetanga lopolifi moshitukulwa shaShana Kommissina Ndahangwapo Kashihakumwa, okwa tumbula kutya, opolifi oya didilika eemhanda 60 da dipawa inashi pitikwa koveta okudja 2008 fiyo oneudo.     Okudja petameko laJuni, opolifi pamwe novanambelewa voshikondo shefiloshisho loushitwe ova kala moshikunino Etosha ombinga yaShikoto fiyo ombinga yoshitukulwa shaMusati, tava kongo ouyelele kombinga  yeembudi da lopela okuvaka omayoo eemhanda. Pakwafelo loshiwana ovafekelwa ova kwatwa po ohani ya dja ko eshi oshiwana sha yandja ouyelele kopolifi.

 

LEAVE A REPLY

Please enter your comment!
Please enter your name here