Seaflower a landa eembautu

0
487

LÜDERITZ – Ehangano lo Seaflowe Group of Companies mo Lüderitz ola landa eembautu dili mbali kondado yee milliona N$80 adishe kumwe. Eembautu domadina MVF Monte San Roque na MVF Farillon, da landwa ko Spain o da tulwa moilonga pambelewa ko Minista yeeshi needjo domefuta Omufimanekwa Bernhard Esau pe tuliloskepa la Lüderitz Etine loshivike shadjako.

Omunashipundi wo Seaflower Group of Companies, James Hatuikulipi okwa tumbula kutya, ehangano lo Seaflower ola kala ta li shongola eedula da kapita, nova nailonga vefike 520, ovakala tava futwa eendjabi davo  eshi ehangano la kala nokukwafelwa oshimaliwa kouMinisteli weeshi, omanga ovanailonga veli komaumbo pehena oilonga, shaashi eembautu  mbali odo dakala hadikwata eeshi oda kala ita di longo nawa shaashi imwe oyakulupa neenghono, naikwao oyakala ya pumbwa okupangelwa opo idule okulonga nawa..

Hatuikulipi ta yelifa kutya  ombautu ye dina Ohamba oyo ya longa oule womido difike po 40 paife ita idulu vali okulonga oya kulupa neenghono, ombautu yedina Rex oyo yalonga oule womido 20 oyapangelwa na otaidulu okulonga pamwe naado dalandwa dili mbali.” Ondelineekela ehangano lo Seaflower otali ka longa noudiinini ,na itatu ka konghola vali pomivelo douministeli weeshi tu ka konge omakwafo”. Hatuikulipi ta tumbula nelimemesho.

Moku tula moilonga pambelewa eembautu edi mbali Oministeli yeeshi needjo domefuta Bernhard Esau okwa pandula unene ewiliko lipe lo Seaflower, eshi leshipondola oku nyumunapo ehangalo eli la hangika talishongola neenghono, omolu elelo olo lali itali longo nelitulemo.

Esau okwa tumbula kutya okuhovela mu May 2014  Epangelo la Namibia oku pitila mOuministeli Weeshi needjo domefuta ole shipondola oku tula koshipundi Omunambelewa omukulunhu pitifi ta vatele Mike Nghipunya, noku ulika yoo elelo lipe , nelalakano ku kandulwepo omashongo oo ali a palamena ofaablika ya Seaflower.

Esau okwa pandula neenghono elelo lipe la Seaflower  eshi la longa noudiinini, la landa eembautu dili mbali no la wedako nokuli komwaalu wavo wo vanailonga, moku kuta ovanailonga veli 100 vamwe ova wedwa mwaavo havalongele mefuta , omanga vamwe va wedelwa mwaavo hava longele mo faablika modoolopa ya Lindili.

LEAVE A REPLY

Please enter your comment!
Please enter your name here