Va deulilwa okutunga omamate

0
219

ROSH PINAH – Oprojeka ye dina Karakul Wool project ya totelwepo modula 2010 koshi yo Obib Training Centre, mo Rosh Pinah moshitukulwa sha //Karas otai xumu nawa komesho.

Omukulunhu wo Obib, Stefan Saayman okwa tumbula kutya oprojeka yo Karakul Wool Project  yoo vene oya totwapo nelalakano lo kunghonopeka ovakalimo vo mo Rosh Pinhah , opo va dule okunyangadala noku ndulukapo sha neenyala davo vene ,voo va dule oku limonena oiyemo .

Omalududi eedi ohaaka talwa meefaalama domoshitukulwa sha //Karas, taa etwa nee po projeka opo, omalududi o ha eya oku wapalekwa noku koshwa  nawa nokuyoololwa yoo pamaluvala ngaashi ashitwa.

Saayman okwa tumbula kutya omafimbo apita ovanailonga mo proyeka ei ovakala ashike hava wapaleke omalududi no ku a hodila nawa aninge eengodi voo tava ka landifa eengodi odo komahangano aa taa dulu okudilongifa noku tunga omamhate.

Odula yo neudo ovanailonga ovakainhu aveshe veli vanhe ova etelwa omudeuli, oo te va deula nghene vena okutunga omamhate neengodi odo hava hodile okudja momalududi eedi.

Hendrina Hanghome umwepo womo vanailonga mo Karakul Wool Project okwa tumbula kutya oilonga otai ende nawa lela, nokwa pandula kounongo oo tava likola moprojeka yoludi eli.

Hangome ta tumbula kutya , nale ovakala ashike havawapaleke omalududi eedi noku a hodila aninge eengodi, ndele paife otava longo oilonga aishe noku tunga yoo omamhate neengodi odo vahodila.

 

LEAVE A REPLY

Please enter your comment!
Please enter your name here