Anne Kansiime oteya moNamibia

0
354

WINDHOEK-Omunyanyudhi nomuyolithi ngoka omuUganda a tseyika nawa koyendji nedhina Anne Kansiime otaka nyanyudha noku tokola omahuli gaaNamibia sho ta ka kala a holoka moshilongo ehulilo shiwike ndika.

Shika otashi ka endela pamwe notuula ndjoka ya longekidhwa owina kehangano lyo Vigo, pamwe no Ogopa Butterfly, moka omuhikingalo nomusindani gwomakopi ogendji moNamibia, Oteya, ta ka ulika uunongo we konyala moshilongo ashihe, pamwe naKansiime.

Ndjika oyo otuula yimwe ya talikako tayi ka kala yimwe onene noya dhenga mbanda moNamibia, sha hololwa kaalongekidhi yoshituthi shika. Otuula ndjika otayi ka tameka momasiku sho ta ga ka kala 21 ga Agusite omvula ndjika po Nationala Theatre of Namibia, etayi tsikile ishewe esiku lyalandulako ko Zoo Park manga inaa yiihanena oshilongo ashihe.

Oteya okwa ti ye ota fala oongalo dhe opo dhi ihanene oshilongo ashihe, shoka opo sheeta a luke otuula yendjika edhina Oteya Tour. Ota ti otuula ndjika otayi ka enda nawa, naaholi yoongalo dhe otaya ka nyanyukwa.

Kansiime omuyolithi ngoka ali a holika koyendji unene tuu uuyolithi we woko Internet, shoka shemuhokitha kaalanduli ye konyala miilongo aihe.

Uutekete mbuka otayu adhika moComputicket oshilongo ashihe moCheckers nenge oShoprite koodola dha Namibia N$ 300.

Otuula otayi ka thika konooli okuza mu September, oku tameka mOngwediva, Ondangwa, Okahao, Outapi nEenhana.

 

LEAVE A REPLY

Please enter your comment!
Please enter your name here