Kansela Isaack Gomaxab okwa hala ombili yi pangele

0
267

OSHIVELO  – Kansela gwoshikandjohogololo shaGuinas moshitopolwa shaShikoto Isaack Gomaxab okwa indile aaNamibia ya pangelwe kombili yo ya kale ongomuntu namumwayina.

Gomaxab okwali popi oohapu ndhika omwedhi gwaziko poshigongi naawiliki yoSWAPO pOshivelo moshikandjohogololo shoka. Moshigongi mono omwali mwa kalwa ku kansela ye mwene, Ngoloneya goshitopolwa shaShikoto Henock Kankoshi kansela gwoshikandjohogololo Omuthiya Armas Amukoto oshowo iilyo yilwe mewiliko  lyongundu tayi pangele.

“ Onda hala aaNamibia atuhe tu hangane tse tu longeleni kumwe tu tunge oshilongo shetu oshowo tu yambulepo ehumukomeho moshilongo, elongelokumwe mokati ketu tse aantu nali kale olyo aluhe lili komeho tse tatu kala hatu simaneke uuntu waantu,otandi indile omahumokomeho gi ili nogi ga andjaganekwe kiitopolwa yokomikunda,” Gomaxab ta ti.

Kansela Gamaxab ta indile aakwashigwana ya ethe ombepo yokakombo noludhi oshowo ndjoka yokatongotongo. Tati onkalo ndjoka otayi eta okwaahenombili oshowo etopoko mongundu yoSwapo nomoshilongo ashihe. Ta indile ookansela mboka yeli oombushe dhe miilonga dhi gandje omayakulo oshowo omakwatho ngoka aakwashigwana ya pumbwa, ta ti naya kambadhale ngaashi tashi vulika ya ete uuwanawa koshigwana.

Kansela okwali a pandula ayehe yomoshikandjohogololo she sho aluhe haya longele kumwe noku kalekapo ombili yoshilongo.

 

LEAVE A REPLY

Please enter your comment!
Please enter your name here