Kenya a dhengwa kuWelwitschias muudhano wo pambili

0
242

Windhoek- Namibia ota tsakanene na Zimbabwe ehuliloshiwike ndika methigathano lyawo lyuudhano worugby wekopi lyo Windhoek Draught Africa Cup. Oospana ndhika dhopashigwana muudhano mbuka odhi thike pamwe sho kehe yimwe ya sindana momathigathano gaali, nokwa tegelelwa kutya ngoka ta ka sindanapo uudhano wOlyomakaya ndjika moVenduka oye ta ka pewa epapa lyuunyakwa wa Africa nuumvo.

Namibia ngoka pethimbo ndika tiilongekidhile uudhano wekopi lyuuyuni lyorugby tali kalako omwedhi tuuka koEngelanda okwa li uulike kutya ye okwa hala oku ka dhana nawa hoka pethimbo a li a dhenge ospana ya Kenya niitsa 46-13 Olyomakaya gayi.

Ospana ndjika oya li ya tula pevi omatanga gahamano konima yomusinda kombinga ya Kenya oshowo ya thangelemo omatanga okupitila pokati koopaala mokapale nongeyi oya shunine Kenya ngoka a li a dhenge Namibia muudhano wali dhanenwa moMadagascar omumvo gwayi.  Namibia okwa li komeho niitsa 25-6 sho oospana ndhika dha yi pokafudho.

Uudhano mboka Namibia a li ta dhana Olyomakaya gayi mokapale ka Hage Geingob aaKenya oya li ya nyengwa oku keelela ospana ndjika.Oshoka ndjika oya li yiilongekidha nawa mokudhana kwawo ngaashi omukulugonale hati wa pukile wu tilokuti ngoye wa gwile wu tila okulonda ishewe ta ti dhengwa wu lungame. Onkene Welwitchias oya dhana yaana ezimbuko oshoka okudhengwa ohaku ehama. Omudhani gwa Namibia moku eta iitsa nookoola, Theuns Kotzè oye a tulamo tango meni ashike lyominute ntano sho uudhano wa tameke sho a thanga openalti okuza kokule nongeyi okwa tula Namibia komeho . Mbalambala Kenya naye okwa ka tulamo okupitila mu Darwin Mukidza sho Namibia  a geelwa nopenalti sho a li ta yaka. Omudhani gwospana yoExeter Chiefs, Chrysander Botha okwa tulamo etanga limwe ndyoka lya ka thangelwamo mokoola ku Kotzè niitsa oya ka thikama 13-3 Namibia oye eli komeho.

Mukidza okwa ka thangelamo ishewe openalti ontiyali neyooloko pokati kiilongo mbika iyali olya shonopala, naashika konyala osho shali oshikando sha hugunina aatalelipo ya dhana ngaaka. Okuza mpoka Namibia okwa kala oye tati pii. Namibia okwa kala ta tulamo ookoola kutya oopenalti nenge ndhoka dhoku tula etanga pevi konima ya Kenya oshowo okuli thangela miiti konima yoku li tula pevi. Moku dhana ngaaka Namibia okwa ka ya piitsa 20-6.Omanga uudhano inaau wu ya pokafudho Namibia okwa tulamo ishewe sho Darryl de La Harpe a thigipo aa Kenya nokutulamo ookola nongeyi iitsa ye oya thikama piitsa 25-5.

Namibia okwa ka tulamo ishewe okuza pokafudho okoola dha ka ninga 32-6. Ta tulamo ishewe nokukala ena okoola 39-6. Lwa hugunina Namibia okwa tulamo nokula komeho niitsa 46-6. Kenya okwa ka mona po olweedhe noku tulamo opo uudhano wa hulu iilongo mbika yi na iitsa 46-13.

 

LEAVE A REPLY

Please enter your comment!
Please enter your name here