Okulila kwomunona moshilambo shokandjugo

1
168

ONGWEDIVA-Ewi lyomunona ta lili okuza moshilambo shokandjugo olya halutha aashiinda sha yina yomunona ngoka petameko lyoshiwike shika. Oyi ipula haka okandjugo moka yo haya iwatelele ngele oya sa kondje, onkene otashi vulika ngiini kutya muule mombwili yako otamu zi ewi lyomunamwenyo unene tuu lyomunona.?Shoka sha halutha noku tilitha aashiinda mboka ya li taya opaleke okandjugo hoka sho yuuvu elilo lyomunona, osha kolekwa shili kutya nani elilo okuza muule moka olyokahanona opo ka pulumuthwa keli monyata mokandjugo.

Elago nenge ngiika iinyenga nkondo yaKalunga sho gumwe gwaambaka uumbile sha momilema dhoshilambo, naashika osha etitha opo okahanona hoka ka yamukule noondila , ngiika ta ka kongo ekwatho manga inaaka ningina muule wenono.

Osha fa okahanona hoka opo ka valwa ka kala mokandjugo moka uule wootundi 24, konima sho ka umbilwa moka ku yina gomimvo 22.Omunona nguka okwa li a falwa meendelelo koshipangelo shoholomende shaShakati hoka onkalo ye kwa hokololwa yili nawa.

Oshiningwanima shika okwa lopotwa sha ningilwe Osoondaha ya yi pomukunda Onawa yaKiriyana , moshikandjohogololo Okatana moshitopolwa Oshana. Opolisi oya ti omunona okwa fa a umbilwa mokandjugo konima ashike sho a valwa. Yina yomunona nguka otaku hokololwa ha longitha okandjugo haka pamwe naashiinda ye mboka yiitsu ohanona ndjoka Omaandha oshiwike shika.

“Omufekelwa nakuvala ohanona ndjika okwa falwa wo koshipangelo hoka a taambelwa momukunda omutine.Aakwanezimo lye oya li natango taya dhiladhila kutya nguka okwa li natango iihumbata sigo oosho ya ka haluthwa konkundana kutya omutekulu gwawo okwaadhika konyala a sile monyata mokandjugo koshilambo,” osho Kommanda gwopolisi ta kwathele mOshana, Kommissiona Rauha Amwele a lombwele Kundana oshiwike shika.

Sho okanona  haka okawanawa kiitsuwa moonyata nokuhupithwa mokulikapo komazinyo, okaadhika muundjolowele wu li nawa, kena ondjundo yookilograma mbali oshinkwanu ntano.

Omufekelwa yina yako naye okwa taambelwa moombete monaasalesa yaShakati Osoondaha yayi  sho a kanitha ombinzi oyindji. Okwa hokololwa kutya omukiintu nguka okwa li a monika ta dhiingoloka  dhiingoloka mooha dhokandjugo hoka kOmatango gOsoondaha.

1 COMMENT

  1. iihuna tayiningwa yakwetu! omutu ngele itovulu okukala inoya momilalo, longitha iigamenitho! showali momilele ndaluka epunda wali tokongo,?

LEAVE A REPLY

Please enter your comment!
Please enter your name here