Oshana Regional Council oye enyakwa lyuudhano wOshakati Premier Electric

0
196

OSHAKATI-Osipana yoShana Regional Council oyali ya ulukile oosipana oonkwawo komutse gondjamba konima sho yali yasindanapo ekopi  lyokatanga koompadhi naandyoka lyoVolleyball.

Oshana Reginal Council oya li ya dhengemo Bank Windhoek medhingoloko lyahugunina lyokatanga kokoompadhi ndyoka lya li lya thigi okapale ko Independence Stadium takatsu omazima oshoka mpeyaka kapwa li omwali ta tumbu mukwawo.

Nando oosipana ndhika mbali odhali dhina oonkondo dhi thike pamwe, Oshana Regional Council oyali yeshipondola okuza konima nokudhenga Bank Windhoek nookoola ndatu mu yimwe.

Osipana yoRegional Council oya li wo yeshipondola okusindanapo edhingoloko lyahugunina lyetanga lyokomake sho yali yadhengemo Old Mutual noseta yimwe monola.

Osipana ya Old Mutual oyali nayo yaningi ondjokonona sho yaningi osipana yotango okusindana oondjambi momathigathano ogendji momukokomoko guudhano wOshakati Premier Electric.

Oshana Regional Council oyali ya yambulapo ekopi lyokatanga kokoompadhi, noombandi dhoshingoli, Bank Windhoek okwali eya pehala etiyali moka ali a pewa oombandi dhoshisiliveli, omanga Old Mutual eya pehala etitatu na okwa li a hekelekwa noombandi dhoshikushu.

Muudhano wo Volleyball Oshana Regional Council oye ya pehala lyotango moka natango ya li ya pewa ekopi noombandi dhoshingoli, Old Mutual okwali eya pehala etiyali na okwali ayi kegumbo noombandi dhoshisiliveli omanga Oshakati Premier yali ya etelele okano na oyali ya hekelekwa noombandi dhoshikushu.

Muudhano wokuhila Ongodhi Old Mutual okwali eshi holola kutya oye ehangano enankondo nkondo sho ali adhengemo Oshakati Premier medhingoloko lyahugunina lyokuhila ongodhi nokwali eya pehala lyotango ta landulwa kOshakati Premier pehala etitatu nErundu Secondary School ndyoka lyali lya kanitha konyala uudhano yali yadhana olyali lyeya pehala etitatu.

Standard Bank oye ali eya pehala lyotango muudhano woRelay, omanga Oshakati Premier Electric yali yeya pehala etiyali ye FNB ta etelele okano pehala etitatu.

Uudhano mbuka owali wa tetekelwa kepatululo lyolusheno kolukanda Ompumbu na Kandjengendi South ndyoka lyali lya ningwa kOminista yIikwamina omusimanekwa Obeth Kandjoze.

Oshiningwanima shesiku oshali eumbo lyiitopitha okuhambelela egwanitho lyomimvo 15 lyehangano lyoku andjaganeka Olusheno modoolopa yaShakati naashika oshali sha thigi oyendji modoolopa ya nyanyukwa nokufuuka.

Fun-Games-2

LEAVE A REPLY

Please enter your comment!
Please enter your name here