Tuku a nyanyudha aaNamibia omathele

0
233

WINDHOEK-Nonando moshilando shaVenduka omwali mwa holoka iiningwanima oyindji yomainyanyudho ehuliloshiwike lyapiti, aaNamibia omathele oyali ya nyanyudhwa komuimbi omuZimbabwe, Oliver Mtukudzi, atseyika nawa nedhina Tuku, ngoka ali uulike ishewe uunongo we poZoo Park Amphitheatre, ongulohi yOlyomakaya ya piti.

Kumboka yali ya holoka poshiindingili shika oyali ya holola enyanyu lyawo, noondigolo mokule moku hambelela omwiimbi gwawo nguka ali ta nyata nawa oshiketala noonkondo. Tuku okwali iimbi dhimwe po dhomoongalo ndhoka dha tseyika nawa koyendji ngaashi Neria, Mutserendende, There is No one, noonkwawo dha gwedhwa po.

Omainyanyudho ngaka ogali gapatululwa koNdilimani Cultural Troup ndjoka yali ye shiiningile naandanisi yawo. Oongalo ngaashi Inolila, StreetKidz nEgumbo ndhoka dhali dha tulitha kehe gumwe mondambo. Ongundu ndjoka yaza koZimbabwe Zamar Band nayo osho yali ye shiiningile unene sho ya imbi ongalo Tulula.

Oshiindingili osheendele nawa unene kwaayehe mboka yali ya holoka, no ya li yaziko yanyanyukwa.

LEAVE A REPLY

Please enter your comment!
Please enter your name here