Botes a hupitha Bidvest Wits konyala ya dhengwa

0
174

Windhoek-Omudhani gwokomeho omukulu gwoBrave Warriors, Henrico Botes okwa tulamo okoola okuuka kominute dha hugunina pethimbo lyuudhano wospana ye yokSouth Africa  Bidvest Wits, sho ya dhana okoola 1-1  naandjoka yoAjax Cape Town methigathano lyoMTN8 medhilongoloko lyosemi-finala ehuliloshiwike lya piti.

Ajax oye a tulamo tango okoola medhingoloko lyotango lyosemifinala ndjoka ya dhanenwa pokapale ka Coetzenburg Stadium moStellenbosch. Omudhani gwaAjax Toriq Losper  oye a tulamo okoola konima yominute 11 sho uudhano mboka wa tameke. Konima yokudhana kwethimbo ele Botes okwa ka tulamo okoola sho a thangelemo etanga ndyoka a pewa okuza ku Vincent Pule.

Onkundana yomaudhano kombinga yomudhani omuNamibia oondjoka ya Benson Shilongo ngoka  eli wo miikundaneki ya Botswana sho a hupitha ospana ye yo Gaborone United, mokutulamo okoola mominute 72 nongeyi ospana ye naandjoka yo Satmos odha dhana shithike pamwe 1-1 muudhano woLiha yoPremier ya Botswana pokapale kuudhano ka Molepolole Sports Complex.

Omudhani nale gwokomeho gwa Black Africa Jerome Louis okwa kala a kuutumba kondje pethimbo ospana ye yo Township Rollers ya tulamo okoola yimwe nongeyi ndjika oya sindi ndjoka yo Nico United. Sigo oompaka omudhani omuNamibia nguka ha tulamo ookoola ina dhanena natango ospana ye ndjika yokoBotswana.

Aadhani ya Namibia mboka haya dhana moliha yomoThailand ehuliloshiwike ndika ina ya tulamo okoola sho ospana ya Saraburi FC hoka haku dhanene Sadney Urikhob ya dhana 0-0 nospana Sisaket  moliha yopombanda yoToyota Thai Premier League. Ospana yoKrabi FC moka hamu dhana Awilo Stephanus na Tangeni  Shipahu nayo oya dhana 0-0 nospana yo BB-CU FC ehuliloshiwike lya ziko.

Omanga moGermany, ospana ya Manfred Starke yedhina FC Carl Zeiss Jena oya sindana 2-1 sho ya dhengemo BFC Dynamo Berlin moliha yoshitopolwa shokUumbangalantu zilo.

LEAVE A REPLY

Please enter your comment!
Please enter your name here