Martin otaka gadja ontseyo ndjo a mono koNdowishi

0
226

ONDANGWA-Gumwe gomaaNamibia mboka yali ya tumwa kehangano lyuudhano woVolleyball komaidheulo koGermany John Martin okwa ti okui ilongekidha okutopola uunongo mboka a mono koNdowishi noshigwana.

Ndhika Martin okwali edhi popi pethimbo ali moonkundathana naKundana konyala oshiwike shimwe sho ye nooyakwawo yali ya thiki moshilongo konima sho yali ya ningi oomweedhi hamano koGermany hoka yali yapewa omadheulo ga kwata miiti miipambele yomaudhano.

Martin ngoka atseyika nawa koyendji oye Whiteman okwa ti oyali ya pewa omadheulo miitopolwa ngaashi uunamiti, ewiliko lyomaudhano nuuhikihiya.

Whiteman okwa ti uunongo mboka ya likola koNdowishi ota wu ka kwathela momapendulepo guudhano woVolleyball moshilongo oshoka koNdowishi oya zako ya manga sha pama.

Okwa ti olutu oluwiliki lwuudhano woVolleyball otalu ka tulapo iikonga moka taya kaya kiitopolwa moshilongo noku andjaganeka uunongo mboka ya likola.

Whiteman ota ti oyali ya mono ompito okudhana momathigathano gopaigwana noku hika uudhano wopondondo yopaigwana wo.

Pehulilo lyomadhewo gawo oyali ya likola onkatu yo Dipoloma yopaigwana ndjoka yili ya taambwako muuyuni awuhe mewiliko lyuudhano woVolleyball.

Okwa ti ota ya ka longitha wo ompito ndjika oku hwahwameka aanasikola opo ya kuthe omaithano muunamiti womaudhano oshoka Namibia kena nando aantu mboka yi ilongela uundohotola womaudhano.

Omadheulo ngaka ogeli oshitopolwa shomapendulepo guudhano woVolleball ngoka ga uunganekwa kongongahangano yuudhano woVolleyball muuyuni.

LEAVE A REPLY

Please enter your comment!
Please enter your name here