Mee Eveline Nekongo, omuluki gwaKundana

0
209

WINDHOEK-Meme Eveline Nekongo, ngoka oye eyapo nedhina Kundana ndyoka olyo lya hogololwapo okulongithwa koshifo shoshigwana melakalyOshiwambo okwa fatulula nkene a hololapo edhinandyoka.

Ota ti omumvo 2013, aaniilonga ayehe mboka yali ha ya longele mehangano lyo New Era Publication Corporation (NEPC), oyali ya pulwa opo ya holokepo nedhina ndyoka tali opalele oshifo shika shOshiwambo. “Ngame okwali nda dhiladhila edhina ndyoka lyali tali opalele koombinga adhihe. Onda li nda holokapo nomadhina ngoka gaali, Kundanekwa na Kundana, mpoka opo pwa ka hogololwa ndyoka lyali tali opalele nolina elaka etoye,” Nekongo ta ti ngaaka.

Okwa ti mokuholoka po nedhina ndika okwali iipula noku dhiladhila mokule edhina ndyoka tali nana nolya hokiwa yaaleshi. “Ngashingeyi ondiwete nokuli kutya oshifo shika oshiholike omolwedhina ndika ndali nda etapo,” ta ti ngaaka ti imemeha.

LEAVE A REPLY

Please enter your comment!
Please enter your name here