Naigambo na Thomas aasindani yaCoca Cola

0
259

Omaruru-Omutondoki moshinano oshile Reinholdt Thomas okwa thigipo aatondoki ooyakwawo pethimbo lyuudhano wokumatuka wokomumvo wookilometa omulongo hawu longekidhwa koCoca Cola pOmaruru Olyomakaya gayi

Omumatuki omunamimvo 24 gwokluba yopolisi okwa thigipo yakwawo mboka haya matuka nawa moshilongo muka.

Okutameka po Luna Park mokati kOmaruru kohi yonkalo yombepo ombwaanawa,  Thomas oye a kwata komeho okuza tuu sho okandjembo ketameko kuumbwa okuza mpoka komeho ge inaaku enda we tuu nando omuthigathani gumwe gwaamboka ya li taya matuka naye ye okwa kwatele komeho okuza petameko sigo opehulilo.

Okutondoka okwa matuka momapandaanda gaMaruru taku landula ondjila onene yuuka koKalkfeld nokugalukako  opo uudhano wokumatuka wa hulile ishewe poLuna Park mpoka mbuka wa tamekele.

Thomas okwa sindana uudhano mbuka wookilometa omulongo meni lyominute 30 oosekonde 20 nokwa teya orekorda ye yominute 30 noosekonde omilongo ntano  pamukalo nguka.

Omumatuki gwometanga lyaNamibia lyegameno Uveninawa Kuungongelwa oye a landula mu Thomas sho eya methimbo lyominute 30 noosekonde  45 eta landulwa ku  Stephanus Kaudinge mehala etitatu.

Omutondoki omukulu mokumatuka , Beata Naigambo okwa thigipo aatondoki aakiintu ayehe  mwakwatelwa nomumatuki omukondjithi gwe Lavinia Haitope, Leena Ekandjo, na  Ester mokati kaatondoki oyendji.

Omunamimvo  35 Naigambo okwa nyenge aathigathanipo ooyakwawo sho eshi pondola okuya sindana komeho ga Leena Ekandjo, mominute 35 noosekonde 23 omanga Lavinia Haitope a thiki pehala etitatu mominute 35 noosekonde 46 .

David ‘Patrao’ Salomo okwa sindana moshitopolwa shaakokele methimbo lyominute 43 noosekonde 41 ye ta landulwa ku Sevelinus Mashuna pehala etiyali  na Kanisius Mathias pehala etitatu.

Enyakwa nale lyombokisa lya Namibia ,George Uarotua Mukuaahima (Rössing) okwa matuka oye awike moshitopolwa shomasters noku sindana omukondjithi gwe gumwe  J Urinavi e ya pehala etiyali konima yominute omilongo mbali sho Mukuaahima anwa nale okoothiwa nuumbisikiti.

Omumatuki gwomoklaba ya Swakopmund Striders’, Sieglinde Gontes, oye a kondjele oshishani shooveterans moshitopolwa shaakiintu. Rondenguelus Gustaf okwa mana uudhano komeho gaamwayinathana yaandja Campstone, Kasera na Frieda, okuya pehala lyotango mongundu yaamatuki aagundjuka.

Thomas Shigwedha oye a sindana ehala lyaagundjuka aalumentu  alandulwa kuyaandja  Simon, Paulus, Ananias naNalwaanda.

Ongundu yaatondoki yaadha pomilongo ntano oya li ya kalelapo aamatuki ya za komahala ngaashi Arandis, Swakopmund, Windhoek, Karibib noWalvis Bay oshowo  Omaruru.

 

LEAVE A REPLY

Please enter your comment!
Please enter your name here