Ohanona yeekelwahi ishewe

0
278

ONGWEDIVA- Omudhimba gwokahanona okakadhona okwali gwiitsuwa kaatooli yiiyagaya ketototo mOngwediva, hoka ka ekelwahi e ta ka tonyenwa monailona.

Ohanona ndjika okwali ya tonyenwa monailona etayi ekelwahi mondoloma yiiyagaya moka ya zi wa nayo kokaloli kaatooli yiiyagaya sigo oketoto hoka.

Haka okanona okatiyali taka ekelwahi moshitopolwa shaShana omwedhi nguka. Okanona kotango okali ka ekelwahi mokandjugo moka kali ka adhika kena omwenyo oshiwike shayi.

Metiyali lyoshiwike shika, yamwe yomaantu mboka haya toola iiplasitika ketoto nelalakano lyokuke yi longolola ya dhimbulula kutya yimwe yomoonalilona dhoka opo ashike dha umbilwa po kokaloli oyina oombinzi.

Okanona haka opo ashike ka valwa otaka monika okanene ashike kapena naanaa uuyelele wa gwana kutya okanona oka valwa moomweedhi ngapi. Ina shi yela ishewe kutya onanona okali ka valwa kena omwenyo nenge okasa.

Ashike pakutala, okanona oka valelwa petalashe eta ka ekelwahi woo pamwe netalashe ndyoka nalyo lya li lya tiligana oombinzi.

Elago enene mboka ya gongela iiyagaya oya koneke mpoka ya kutha etalashe etaya fala po opolisi.

Opolisi sho ya pulaapula oyali anuwa ya lombwelwa kutya ngoka tashi vulika oye a kale a kutha mo epunda oka falwa koshipangelo ku yina.

Ina shi yela nee nawa ngele omuvali nguka okushishi kutya omwana ota ehama shike sho emufala koshipangelo.

Omukadhona okwa monika na ngashingeyi okuli moshipangelo mOshakati moka eli metonatelo lyopolisi.

LEAVE A REPLY

Please enter your comment!
Please enter your name here