Osikola ya Amarika tayi gwedhelwa po oongundu

0
264

AMARIKA-Amarika Junior primary Phase moshikandjohogololo Otamanzi moshitopolwa Omusati otayi ka pewa oondondo okuza pontintano sigo ondondo ontimugoyi omumvo gwembo lyiimaliwa 2016/17.

Onkundana ndjika oya kolekwa kOminista yOpevi yElongo Uunongo nOmithigululwakalo, Ester Anna Nghipondoka Omaandaha oshiwike shika pethimbo lyetalelopo lyOmuprima Minista Saara Kuugongelwa- Amadhila moshitopolwa shaMusati.

Oskola yAmarika oya kala yaana oograde ndhika naashika osha li sha thiminike aalongwa posikola ndjoka opo ya ethepo okuya kosikola konima yoku mana ograde ontine penongelo ndyoka. Mbaka oya li ya thiminikwa konkalo ndjoka molwashoka osikola ndjoka yi na ondondo ontintano oyili oshinano shookilometa 60 okuza poAmarika onkene aanona mbaka kaya li taya vulu okuya kenongelo hoka kehe esiku.

Omuprima Minista okwa kumike aanasikola opo ya longithe ompito yokukala mosikola yiitulamo ngashingeyi shono ya pewa ompito okulongwa sigo opondondo ontimugoyi posikola yawo. Okwa ti shika oshasimana okukala wa longwa oshoka uuna omuntu ena ontseyo nena ota vulu okukondjitha oluhepo nokuluhulithapo mbala.

“Ngele oshigwana inashi longwa itatu vulu okukondjitha oluhepo nokuluhulithapo meendelelo, onkene  natu seni oshimpwiyu kutya epipi egundjuka alihe olya longwa nawa,” Omuprima Minista a kumike.

Kuugongelwa-Amadhila okwa hala woo aanona ayehe ya longwa kashina nee mbudhi kutya mbaka aamati nenge aakadhona.

Okwa kumike noku indila aakuluntu naayehe yenasha nelongo opo ya soshimpwiyu kutya  aanona oya pewa elongo lyongushu opo ashike oluhepo nuuthigona tawu shonopekwa nokuhulithwapo ngaashi osho ondjodhi yomuNamibia kehe. Amarika omukunda guli oshinano shookilometa 70 kuumbugantu wOkahao moshikandjogohololo Otamanzi. Enongelo olya totelwepo kaatumwa momimvo 1960. Olya li lya kuthwako kepangelo  konima yemanguluko omumvo 1990.

Aakalimo yomomukunda nguka oyali ya hokolola onkalo moka muna oyana pethimbo Kundana a li a talelepo enongelo  ndika okutala nkene lyali lili moluhepo omwedhi gwayi.

“Epangelo olya pumbwa okunenepeka enongelo ndika  oshowo okutungapo omuhandjo opo aanasikola yaa kale taya ethapo osikola omolwa iinano iile mbyoka haya ende  okuya kenongelo lyopopepi,”aakuluntu yaanona mbaka osho ya popile..

Aakuluntu yamwe oya li  ya ti aanona mboka ya etha osikola yamwe yomuyo oya ningi omategelelo nokuvala uunona omanga yo yeli wo ashike aanona aashona, shika ohashi ningwa molwashoka mbaka ohaya kala ashike momagumbo yaana shoka taya  ningi . Ohaya tameke okuya miihulo inaa yi gamenwa molwashoka kapena we omikalo dhilwe dhokwiikutha uuza.

“Aalongwa ohaya vala uunona aagundjuka nenge aanoneelela yena ashike omimvo14, omanga aamatyona ohaya ka longithwa koohambo okuza pomimvo omishona dhili pomulongo mpoka,” osho gumwe gwaakuluntu yaanona mbaka yokoohogolo ati uulike nkene mbaka yafa yeekelwahi. Nghipondoka okwa ti enenepeko lyenongelo ndika olya ziminwa papangelo notali gwedhelwa oongulu dhokulongela dhili ntano ishewe ombelewa yelongo yopashitopolwa otayi tungupo omuhandjo gwopakathimbo okuza omumvo tuuka. Okwa ti woo opena edhiladhilo okutaambulula aanona mboka ya li yeethapo osikola okutaambelwa mondondo ontintano opo ya tsikile nelongo lyawo.

LEAVE A REPLY

Please enter your comment!
Please enter your name here