Iitsa ya simana mewiliko lyongeshefa yofamili

0
317

WINDHOEK – Dhimwe dhomoongeshefa oonene noonamadhina muuyuni odha totelwepo komafamili, sho ga longitha shoka iipungulwa oshowo ethimbo mokudhikapo
oongeshefa.Mo Namibia namo omuna oongeshefa dhomwaalu gwontumba ndhoka dha totwapo nodhili miikaha yoofamili.

Omuwiliki gwoshitopolwa shoongeshefa mo FNB, Fanie Steenkamp, ota gandja uuyelele wopetameko nkene to tungu ongeshefa yofamili ya kola no itaayi shuna monima. “Eyokomeho lyongeshefa yofamili olyi ikwatelela keitulemo lyiilyo yofamili ndjoka ,mbyoka hayi longo mongeshefa ndjoka. Oongeshefa dhofamili ohadhi pula ashihe okuza kiilyo yofamili ndjoka molwashoka olundji ongeshefa ndjoka oyo onzo onene yiiyemo yefamili ndyoka nenge oko kwiikwatelela efamili ndyoka,” osho a ti.
“Okuyeleka nonakuziwa yonale omihingo dhoongeshefa dhofamili odha yooloka shiikwatelela koludhi lwongeshefa.

Pethimbo ndika omuhingo gwongeshefa oonguka moka iilyo yofamili yina uumwene wongeshef nonando hayo yili mewiliko lyongeshefa ndjoka esiku kehe.Yo oyi li ashike mewiliko lyongeshefa ndjoka pomuthika gwewilikongundu moka yo taya ningi omatokolo genasha nomathaneko gomuule gehumithokomeho nenkondopeko lyongeshefa,” osho a gwedhapo. Steenkamp ota ti nonando opena omayooloko nkene oofamili hadhi longo noongeshefa dhomafamili, opena natango omafamili
ngoka geli mewiliko lyoongeshefa esiku nesiku unene tuu uuna oongeshefa ndhoka ooshona nenge oompe natango. “Kutya nee ofamili oyili mewiliko lyongeshefa esiku kehe nenge ahawe shoka shasimana ooshoka shoku kala pena ethaneko lya shangwa nkene ongeshefa tayi kala nokulonga.” Okwa gandja omayele ngaka oku yanda omashongo ngoka taga vulu okuyonagulapo ongeshefa yofamili.

Uumwene wongeshefa nau kale wu shiwike nawa
• Uumwene wongeshefa mofamili otau vulu okukalaeshongo enene ngele mbuka inau ulikwa pamushangwa kutya kehe oshilyo shofamili oshina iipambu ingapi mongeshefa. Ngele shika inashi ulikwamo nawa shuukilila ongeshefa otashi vulika yi mone iihuna oshoka kehe omukwanezimo ota kala uuvite kutya okuna oshipambu shithike pu sha mukwawo oshowo uuthemba wu thike pamwe mongeshefa.

Okuninga omatokolo

• Oshasimana pukale omuntu gumwe nenge yaali ngele oyendji mboka taya wilike ongeshefa oshowo okuninga omatokolo ga simana. Ihe mbaka oya pumbwa okupula omayele uuna ndoka pena omatokolo omanene taga ningwa ngaashi okunenepeka nenge okushonopeka ongeshefa.

Euveko lyiinakugwanithwa niilonga
• Ngele iilyo yefamili ohayi longo esiku nesiku mewiliko lyongeshefa osha pumbiwa okutothamo nawa nawa iinakugwanithwa ya kehe gumwe opo kehe oshilyo shikale shishi kutya iilonga yasho oyashike mongeshefa na osha pumbwa okulonga shike?

Yanda eidhopomo
• Iilyo yofamili otashi vulika yi kale nomathaneko kombinga yokuwilika ongeshefa nonkene ndjoka yi na okulonga. Ngele omuwiliki gwongeshefa keshi oshilyo shofamili nena oshasimana opo omadhiladhilo ngoka taga gandjwa , ga kale taga ningwa pamu hingo omwaanawa ngoka itaagu ulike kutya opena eidhopomo ndyoka tali nayipike noku nkundipika omatokolo gaamboka taya wilike ongeshefa ndjoka. Napa kale elongekidho lyetaambathano Etaambathano osho eshongo limwe enene lya taalela
oongeshefa dhofamili.Onkene oshasimana opo efamili likale nelongekidho lyetaambathano lyoshipundi shewiliko opo pukale elunduluko ewanawa mewiliko uuna shika sha thikana.

LEAVE A REPLY

Please enter your comment!
Please enter your name here