Osipana yoYoung Chiefs oyili muudhigu natango

0
235

OSHAKATI-Nando aakalimo yomiitopolwa yokoNooli oya tegelela  oshindji kosipana yoYoung Chiefs ndjoka yili oyo awike tayi kalelepo iitopolwa yokoNooli muudhano wo MTC Namibian Premier League,  ndjika okwa hokololwa ta yi tsu nodhikwa oshoka ka yina eyambidhidho.

Omupopiliko gosipana ndjika Belle Nandjiwa okwa ti, oonkambadhala yali ya ningi oku ya komahangano naanangesefa yomoshitopolwa ina  dhi etapo sha sigo oompaka.Shika okwe shipopi unene tuu sho kuna ashike omasiku omashona opo oliha ndjika yi tameke.

Nandjiwa ota ti osipana oya pumbwa konyala iimaliwa yithike lwopooN$ 200 000 opo yi wape okukandulapo omikundu dheyi kundukidha, ngaashi okulanda aadhani, omalweendo, oondjambi dhaadhani nosho tuu iinyangadhalwa yesiku kehe yosipana.

Onkene natango ewiliko lyosipana ndjika ota li indile aanangeshefa nomahangano gopaumwene opo ge yi kwathele,unene tuu sho ndjika yili oyo awike ya kalelapo iitopolwa yokoNooli moliha yopombanda.

Ota shi ka dhigupala kuyo ngele yo inayi mona eyambidhidho lyoshimaliwa oshoka koPremier League ota yi ka tsuwako iilyaalyaka oshoka hwiya okuna oosipana dhakola moondjato oshowo ohadhi longo nawa nomokapale.

Onkene aakalimo yokoNooli inaya tegelela Young Chiefs e keshi endithe nawa, ye akale moliha ndjika ethimbo ele ngele mbaka ka ye na iipumbiwa ayihe opo ya vule okudhana nawa..

Nando Young Chiefs okuli monkalo ya kenyata ngeyi aadhani ota ya tsikile okulonga omutenya nuusiku nomaidheulo opo oliha sho tayi katameka oyeli pondondo ombwaanawa.

Ashike Nandjigwa ota ti kakele kaadhani aakulu oya mona po oshipandi shaamati okuza koosipana dhilwe , ashike ita ya vulu oku eta aadhani mbaka ko Young Chiefs mongashiingeyi oshoka oosipana ndhoka ota dhi ya pula oshimaliwa opo dhi wape okweetha aadhani mboka.

LEAVE A REPLY

Please enter your comment!
Please enter your name here