Peter ondume yomomufitu: Menongelo lyuundaadhi moMoscow

0
264

Yamwe yo mu tse mboka twa li mootundi ndhoka otwa li twa longo nuudhigu unene tuu molwa omuthika gwelongo lyetu ngoka gwali gwa nkundipala. Oshikwawo iilongwa oya li tayi gandjwa mOshiingilisa. Elago oondyoka kutya otwa li tuna oohailwa yamwe mboka yetu tolokele okuza mOshiingilisa okuya mOshiwambo. Iilongwa oya li iidhigu okuuvako unene tuu omwedhi dhotango mbali dhopetameko.

Kakele kuudhigu wiilongwa ombepo ontalala ndjoka tse inaa tu igilila oya li wo ta yi tu hepeke. Olumi olwali talu gu pethimbo ndyoka no ka pwali ompito opo omuntu wu vule okuguma pevi ekukutu.

Otwa longwa oteori oshowo nkene ndjika ta yi tulwa miilonga.Molwashoka otwali wo tatu dheulwa ongaa wiliki yoobatalion oshowo yobrigade, omathimbo gamwe otwa falwa komahala gaakwiita ya Soviet, hoka twa ka longwa nkene ookommanda ndhoka hadhi longo noku gandja omalombwelo komatanga ngoka geli kohi yewiliko lyawo.Otwa li twa endithwapo mokuninga omadhewo guukumwe nomatanga gaakwiita ya Soviet Union. Oshiholelwa shomaidheulo gomumwe ongaashi shoka shokukommanda omatanga haga kondjo nootenga, sho twa li twa tala nkene ookommanda dhomatanga ngoka tadhi  longekidha aakwiita okuhomona nenge okuyamukula iiponokela okuza kaatondi yawo.

Omadhewo ngaka oga gwedhwa koshilongwa shetu shiilonga yomonanguwi. Menongelo moka otwii longo mo oshindji shoka tse twa li inaatu longwa no inaatu tula miilonga pethimbo lyokukala kwetu unene tuu kehala lyomalugodhi meni lyaNamibia.

Ngame onda kala nda pulakena nawa koshitopolwa shiilonga yomonanguwi. Pethimbo ndyoka ngame onda li nale nda dheulilwa oshitopolwa shokundaadha omutondi. Ndali ndina ontseyo yokundaadha omahala gomutondi, okuthaneka mpoka pena omutondi, ookamba dhe, oshowo okuwilika aakwiita uuna tatu ponokele omutondi. Onda li wo ndi na owino okuhwahwameka oshigwana opo shi longele kumwe naakwiita yoguerrilla. Utya aakwiita mbaka yoshitopolwa shiilonga yomeholamo oshowo uundaadhi oya dheulikika melongo lyopolitika  molwashoka oyo yotango ha yeya mekwatathano naakwashigwana mehala lyolugodhi, onkene yo oya li oyo aanapolitika aawanawa moshilonga shika.

Oshitopolwa oshikwawo shoka twa li tatu dheulwa iilonga yokukondja momatanga gaakwiita.Moshilongwa shika otwa longwa nkene omatanga  goguerrilla haga tungwapo, ondjila ombwaanawa okukondjitha omutondi okuza meni lyomatanga ge.Otwi ilongo nkene tatu ningi iilyo momatanga gaatondi yetu, ngaashi moocompany,oobattalions,brigades nomoongundu oonene. Otwa nongekwa wo nkene tatu vulu okutungapo uungundu waakwiita yoguerrilla miilando.

Otwa li twa longwa ethimbo ele kombinga yiinima mbika nuuna twali twaa na ootundi otwa kala noku dhana etanga lyokoompadhi nenge ndyoka lyokomake. Otwa li wo twa uthilwa okuninga omadhewo golutu ongula kehe omanga inaatu lya ombelekehwa.Omathimbo gamwe osikola ohayi tu fala moshilando  moka hatu ka tsakanena naanambelewa taya iningi ya fa oyo oondaadhi. Otwa li twa longwa konyala omukalo kehe nkene aanambelewa yomonanguwi haya longo noyena okulonga esiku kehe no itaaya monika komuntu kehe.Tse otwa li twa ningi omadhewo ngaka okutsakanena naaniilonga yomeholamo twa li twe shi niningi paholamo no inaatu pendutha okatale konawa kaakalimo yomoMoscow.

Otwa longwa etatu piti oshilongwa shika notwa thigipo enongelo ndyoka ,aanambelewa twa longwa nawa miilonga yokundaadha oshowo miilonga yomeholamo.Omadhewo getu oga hulile pehulilo lya Juni omumvo 1984 tse no twa shuna koAngola.Okushuna koAngola hoka oko kwa li kegumbo lyetu etiyali otwa shuna koLubango hoka oko kwali oombelewa dhuukwiita, opo ihe otwa pewa iinakugwanithwa mbyoka tuna oku ka longa meni lya Namibia.Ngame onda pewa iinakugwanithwa yandje ku Hailwa Festus Shikongo ngoka  a li a popi  na ngame  kombinga yaambika, no inaa tya sha kutya oshinakugwanithwa shoka ndali tandi ka longa oshowo mpoka ndali tandi keshi longela.Shikongo okwa kutha ethimbo lye oku hokolola no inaa tumbula kutya oshinakugwanithwa shandje osho naanaa shike, oshoka okwa li ena uutile pamwe itandi ka taamba shoka.Okwa lombwele ndje kutya oshinakugwanithwa shika osha simana noonkondo . Okwa lombwele ndje esimano nongushu yoshinakugwanithwa shoka oshowo kutya osha nika ngiini oshiponga.Ishewe ondina okukala omwiinekelwa nondaana nando okulandithapo ongundu oshowo aantu ya Namibia . Oshoka ngele onde shi ningi otandi ka talika ko nayi  kondjokonona. Oshinakugwanithwa shandje Hailwa Shikongo osho eke shi popya  kutya otandi tuminwa moNamibia ndika dhike uungundu waakwiita meni lyomatanga gomutondi , oshowo okudhikapo  oongundu ooshona dhaakwiita yoguerrilla miilando, moVenduka , Ombaye, Oshakati,Ondangwa oshowo mOshaanda.Oshinakugwanithwa oshikwawo ooshoka shoku tula aagundjuka mboka taya dheulwa koSWAPO  ya joine etanga lyomutondi niinakugwanithwa yoku kondja okuza meni lyomatanga ngoka.Onda li nda londodhwa opo ndaa popye nando osha kombinga yiitumwa yandje moshilongo. Mokupandje  iilonga mbika hailwa Shikongo ina lombwela ndje kutya otandi ende ngiini opo ndi tameke nayo. Ongame mwene ashike nda mono kutya otandi tameke ngiini.Molwashoka, kakuna esiku limwe nda pelwe iilonga ngaashi mbika ngame onda gana kutya otandi ke yi longa neitulemo.

LEAVE A REPLY

Please enter your comment!
Please enter your name here