Shitana a pititha oshitopolwa oshikwawo sha ‘Kula Umone’

0
1991

WINDHOEK –Gumwepo gwomaaimbi mboka ha ya imbi oongalo dha tsa, Frederick Shitana a tseyika nawa nedhina moongalo LT Shitana, osho ishewe apititha oshitopolwa oshitine shomusholondondo gwoongalo dhe tagu ithanwa Kula Umone, omasiku ngaka.

Moalubuma muka Shitana ota popi uudhigu mboka hawu adha omuntu ngele a koko unene ngele a igilila iiningwanima mbyoka ali ha ningi kuunona. Oshinima shika oshemupe omukumo opo aluke oalubuma ye kula umone, ndjoka yina ehwata lyoongalo 17.

Shika otashi monika ngaashi mongalo ndjoka ontiyali, yedhina Kula Umone, yalukilwa oalubuma.  Mongalo muka Shitana otapopi nkene aagundjuka yopaife ha ya hokana ndele ongula oyiiyetha nale. Otiimbi nee niitya ngaashi “Kuunona ihaku shunwa, kuukuluntu okuudhigu, kula ashike wumone.”

Ongalo onkwawo oondjoka yili ponomola ontine, moka Shitana ta popi kombinga yevi. Otiimbi tati yo oyaloloka okutegelelithwa noku reentingithwa yo kaayena evi lyawo yo yene. Mongalo muka Shitana otiimbi ageya nota holola kutya kashishi oshipu okuza mokambashu manga aantu yeli yuuvite ombili momagumbo gawo.

Ongalo onkwawo ndjoka yili tayi inyenge nawa ishewe ongaashi Internet Girl, moka ta kumagidha opo aamati yopaife ya yande okukutha aakadhona koInternet unene ngaashi koFacebook, oshoka owa piyagana. Shika okwe shi holola noshiholelwa shoka ali a gandja sho ali a kuthwa iinima ye komukadhona ngoka ali a kutha koFacebook.

Kakele ashike kwaandhoka, moalubuma muka omuna oongalo odhindji tadhi inyenge nawa ngaashi Pwilikineni, Nakulwa Mukulu naPokolo. Moalubuma muka Shitana ota kwathelwa ku Maj Beats, Petrina, Tracy-Lee naCaroline.

LEAVE A REPLY

Please enter your comment!
Please enter your name here