Venaani a tsakanene niilyo yongungu ye mOhangwena

0
207

OHANGWENA – Omupresidende gongundu yoDTA, McHenry Venaani etitano lya piti okwali a tsakanene niilyo yongundu yoDTA , sha ningilwa moshikandjohogololo shaHangwena.

Venaani okwa li a ningi oshigongi showina sho ali a talelepo lwotango oshitopolwa shaHangwena konima sho a hogololwa ongomupresidente gongundu oyo tuu ndjika. Oshigongi oshali sha kalwa kiilyo yili omathele gaali (200) lwaampoka. Metalelepo lye okwali a ende pamwe noshilyo sho parliamende Nico Smit, oshowo aawiliki yongundu mOhangwena.

Omuperesidente Venaani okwali a pula iilyo yongundu yi longele kumwe moku yambulapo oshitopolwa, yo ya kalekepo ombili yoshilongo. Ta indile iilyo yi kale omeho nomakutsi gongundu moku lopota ayihe mbyoka tayi longwa shaali muuwanawa woshigwana, yo ya kondjithe okatongotongo nuulingilingi.

“Oondoolopa ya Helao Nafidi oyo yimwe nda koneke itaayi koko mehumokomeho okuza sho yali ya tulwa pamuthika goondoolopa,onda mono kutya omilandu dhondoolopa oyo tuu ndjika odha puka nodha pumbwa okutalululwa, otashi sitha lela ohoni oku tala ondoolopa inaayi lunduluka nande ehumokomeho olili kokule nayi, oyili  owala ngaashi ya kala, opwa pumbwa oku ningwasha meendelelo opo ondoolopa ndjika yi koke yo yi hume komeho, otatu ka kambadhala ngaashi tatu vulu tuyi tule pamuthika ngoka gu uthwa,” Venaani ta ti ngaaka.

Etitano olyo tuu ndyoka Venaani okwali a patulula ombelewa yoDTA mOhangwena. Pethimbo ta patulula ombelewa oyo tuu ndjika okwali a indile iilyo yongundu yi longithe ombelewa ndjika moku etapo omanyenyeto  oshowo omakemo gawo, nomalunduluko ngoka ya hala ga ningwe moshitopolwa unene ngele ta shiya kehumokomeho, ta ti okuna ehalo oku uva shoka tashi inyenge momidhingoloko ye e keshi thikithe komutumba gwopashigwana.

Oyali woo ya talelepo limwe lyomomahala mOhangwena mono hamu kuthwa omeya gokulongithwa kaakwashigwana. Ngono ta ti omeya oga luudha unene no inaga opala okulongithwa. Aakwashigwana oya holola kutya omeya ngoka ogo haya longitha unene momagumbo gawo molwa ompumbwe yomeya.

Venaani na Smit oyali ya pandula omukwatakanithi goDTA mOhangwena Hidipo Hamata molwa elongelokumwe lye ewanawa. Taye mu tseyithile a kale a kwashilipaleka kutya miitopolwa ayihe moshilongo omuna aakalelipo yongundu yawo.

LEAVE A REPLY

Please enter your comment!
Please enter your name here