Warriors ta ya ilongekidhile Senegal

0
234

Windhoek –Ospana ya Namibia yetanga lyokoompadhi  Brave Warriors oyi inekela ongushu yiilongitho mendiki lyoHigh Performance Centre (HPC) moPretoria, shaSouth Africa moonkambadhala dhawo okupita oku ka kuthombinga methigathano lyiigwana yAfrica omumvo 2017  (Afcon).

Namibia ota ka tsakanena na Senegal mOlyomakaya yomasiku 5 Septemba nuumvo moWindhoek muudhano wawo wokupita opo ya vule oku kadhana methigathano lyoAFCON 2017. Omudheuli gwoBrave Warriors, Ricardo Mannetti okwa tseyitha ongundu yaadhani 17 mboka yeli ehuku lyospana ndjoka yili koPretoria momailongekidho molwethigathano ndika oshiwike tuuka.

Omapenda oga li ga longitha endiki ndika pethimbo gali giilongekidhile ethigathano lyoCosafa, ndyoka ospana ndjika ya li ye li sindanapo. “Ehala ndika olili pamuthika gopayuni. Ehala lyoopalela ospana okwiilongekidhilamo.Ehala ndika olina ogyminasium, omahala gokulala oshowo iikulya. Endiki olina wo uupale wokwiidheulila oospana wu li omulongo nohali gandja wo omayele  okuza kaadheuli yonkene olutu halu longo , oshowo , aanawino kombinga yiikulya, naamboka yena sha nonkalo nawa yomwiidehuli nenge omudhani kehe. Molwashoka oliha ya Namibia ina yi tameka natango aadhani yomegumbo otaya ka ningilwa omakonakono opo ku talike kutya oye li tuu nawa no yi ilongekidha okudhana methigathano ndika lyopaigwana”osho omudheuli a ti.

Ndjika oyo ompito ontintatu moka aadhani taya idheula ndele ayehe mboka oomboka ya za moospana dhomegumbo ayeke. Mannetti okwa tseyitha ospana yaadhani omilongo 23 oshiwike shika ndjoka ya kwatelamo aadhani haya dhanene pondje yoshilongo. Aadhani mbaka otaya ka kondjela omahala gokudhana mospana yaadhani omulongo-18 mboka taya ka kondjitha ospana ya Senegal Olyomakaya ga 5 gaSeptemba nuumvo.

Namibia okuli mongundu ya K pamwe na Niger, Senegal noshowo Burundi nokwa kanitha nale uudhano we mboka a li a dhana na Niger moshilandopangelo shoshilongo shoka Niamey.

Mannetti okwa tseyitha wo kutya omukwati gwomokoola Charles Uirab ita vulu oku kala ko Pretoria molwashoka iilonga ye ina yi mweetha, onkene peha lye opwa tulwa Edward Maova.

Aadhani yo Brave Warriors mboka ye li ko HPC mo Pretoria oyo: Lloyd Kazapua, Edward Maova, Tiberius Lombard, Denis Tjetjinda Ngueza, Benyamin Nenkavu, Ferdinand Karongee, Denzil Haoseb, Ananias Gebhardt, Dynamo Fredericks, Gregory Aukumeb, Obry Amseb, Heinrich Isaacks, Neville Tjiueza, Terdius Uiseb, Joslin Kamatuka na Absalom Iimbondi.

LEAVE A REPLY

Please enter your comment!
Please enter your name here