Ya indilwa ya takamithe otombo

0
264

UUKWIYUUSHONA-Kansela gwoshikandjohogololo shUukwiyuushona moshitopolwa shaShana okwa kumithwa komikalo dhaakalimo yomoshikandjohogololo she mboka taya fike po omagumbo gawo kuukolwe wotombo. Okwati oshiningwanima shoka shemu halutha tango tango ooshoka shomukulukadhi gwa Lazarus Kaambu
ngoka a fike po egumbo sho ya nyenyeta nomusamane. “ Ashike shoka tashi kumwitha oshooka kutya omukiintu nguka okwa kutha mo ashike ondjato ye yiikutu nokandini kotombo ye ta shuna nee nawa a tomeke omundilo egumbo alihe,” Amundjindi a ti ngaaka.

Amundjindi okwa ti otombo moshigwana she otayi teyagula po elandulathano nokuyonagula po ombili nohole woo momagumbo. Kansela okwali ta popi poshiponga shomundilo shoka omulumentu gwomimvo omilongo 36 a fike po egumbo alihe lya mumwayinagona sho aniwa emu ganda kaatilehi otombo mokefe ye noshowo oku longitha omalaka ga honga maalandi. Omulumentu ngoka okwa yi kegumbo eta hwameke oondunda adhihe kumwe omulongo 14 ndhoka dhali dha lunguna po thiluthilu ina mu hupa nando osha.

Mwaambyoka yali ya pile mo oondoloma ne dhiilya yomahangu, omakunde gokulya, uusila woshikukuta mboka waadhika wa hayalwa esiku ndyoka noshowo odocumente dhaanegumbo ayehe mwa kwatelwa uunona mboka wa adhika waya komafudho. Johannes Ukanga okwali a thigwa pomutenya kumwayinagona ngoka a putudha okuza kuunona molwaashike otombo. Nonando Ukanga okwali ha mono omboloto mokuhiilitha omashina gogenerator omashina agehe oga li woo ga pilemo .
Aashiinda oyali ya tondoka onkugo mboka ya mono omundilo tango tango oshoka Ukanga nomukulukadhi gwe ayehe oyali kokefe .

Omulumentu nguka a longo oshilonga shika shi nyanyalitha okwali a fadhuka po uusiku mboka nashi ta lombwelwa kutya egumbo lyaandjawo olya pyapo mwa
kwatelwa ondunda ye okwa li aya mukula kutya ye kegumbo kena ko sha na okwa ningi omasiku keeko.

LEAVE A REPLY

Please enter your comment!
Please enter your name here