Ya nyanyukilwa okapale koondhila kaNdangwa

0
243

ONDANGWA – Konyala aaNamibia oyendji oya nyanyukilwa okapale koondhila kaNdangwa . Shino oyali yeshi holola etitano lya ziko pethimbo sho okapale nomatungo gokuthikila aapashioni ga li geegululwa pambelewa kOmutse gwOshilongo.

Omupresidente gwOshilongo ngono oye a ningi epatululo ndika pambelewa Omundohotola Hage Geingob okwa li a indile aalongithi yiitukimbepo ya kwate nawa omaliko ngoka taga adhika muupale owo tuu mboka , yo ye yi kalekepo yili melandulathano. Ta gwedhapo kutya oyena edhiladhilo nehalo enene opo uupale awuhe wuli moshilongo wu kale wa tungululwa noku opalekululwa, wo u kale woo pamuthika gopashigwana ngaashi uupale wokiilongo yilwe.

Geingob okwali a indile aaNamibia ya kuthe iiholelwa iiwanawa kiilongo mbyoka ya putuka moku longa iinima yongushu mbyono tayi kalelele, yo naya yande iinima yopakathimbo mbyoka tayi tekapo nokukulupa mbala. Okwa pandula Air Namibia sho ta kambadhala ku eta ayihe kolutenda, nokwa tseya ompumbwe yoshigwana. Ta tsikileko ta ti omaopalekululo gomahala nga ngaka otaga humitha eliko lyoshilongo komeho mono aanangeshefa yomoshilongo taya kala taya ka landitha iinima yawo kondje yoshilongo noku eta eliko moshilongo.

Omunambelewa omupitithi mehanghano lyo Namibia Airports Company (NAC) Tamer El- Kallawi okwali a tseyitha kutya oyali ya tokola ya tunge etungo epe ndyono tali kala tali yakula aakwashigwana mboka taya longitha omatukondhila , molwaashoka ndyoka yali haya longitha olya kulupa lyo eshona unene.

Kallawi ta gwedhapo kutya etungo ndyono olya tungwa koshimaliwa shoo 84 milliona,nota li kala noku yakula aafaalelwa yeli lwopo 75 000 omumvo kehe. “Ngaashingeyi otwi ipyakidhila noku opalekulula okapale akehe ko ka kale keli pomuthika gopashigwana,tse tu kale tatu taamba aatalelipo yetu nombili,” Kallawi ta gwedhapo ngaaka.

Aakwashigwana mbono yali ya holoka momwaalu omunene pethimbo sho etungo lyopokapale lyali lyeegululwa, oyali ya ulike enyanyu lyawo noku pandula ayihe ya longwapo. Oosikola dha yoolokathana odhali wo dha tumu uunona wawo mbono wumwe nkene wa valwa wu tale oondhila nenge wu endemo mokapale kokene. Owundji owali wa nyanyukwa oshoka owali we endithwa ehala tawu ulukilwa nkene okapale keli noku tala woo oondhila.

LEAVE A REPLY

Please enter your comment!
Please enter your name here