Aagundjuka mOnayena ya opaleke omudhingoloko

0
259

 

ONAYENA – Aagundjuka moshikandjohogololo Onayena oyali ya longekidha esiku lyowina mono yali ya tokola ya opaleke Onayena oshowo pomudhingoloko aguhe. Eyopaleko ndino olyali lya ningwa oshiwike sha ziko.

“Otwa li twa tula uukuni kumwe onga aagundjuka yomoshikandjohogololo opo tu opaleke ehala tse tu tale mpoka ta tu thiki. Otwa li twa mono kutya ehala olya kaka noonkondo noombaapila odha halakana owala nehala alihe, notwa li tu wete kutya tse aagundjuka  otse esipa lyombunda lyoshilongo nongele ita tu tula iinima ayihe pomahala nena ota tu endekele owala,” Mweendeleli ta ti ngaaka.Nonande yali ya gongala momwaalu omushona oya li yeshi pondola okwoopaleka konyala ehala alihe ndyono lya dhingoloka ondoolopa yaNayena. Yamwe mboka yali ya unganeke oshikonga shika shoku opaleka, Walter Kalla Isaacks na Naftal Mweneni Mweendeleli, oya li yeshi yelitha kutya oya longekidha esiku ndika owina opo ya tale kutya aagundjuka yangapi ta ya holoka.

Aagundjuka mbano oyali ya opaleke etitatu lya piti konima sho ya longekidha opo ya opaleke ehala ndyono ya mono kutya olya kaka noonkondo. “Oombaapila, omakende ,uundooha oshowo ooplastika odhili ashike momudhingoloko naatalelipo sho taya ende mOnayena oye wete owala kutya ehala olya luudha noonkondo, shino otwe shi ningi pamukalo gokwiiyamba no ita tu futwa sha,” gumwe gomaagundjuka ta ti ngaaka.

Oya tsikileko kutya inaya vula ku opaleka omudhingoloko aguhe oshoka oyali aashona noonkondo, nonande taya gwedhapo kutya oya unganeka natango yaka kale neyopaleko ndyono tali ka etelela aagundjuka ayehe konyala mbono ya kala komahala gi ili nogi ili, yo ya kaleke omudhingoloko gwa yela tagu hokitha noku eta aatalelipo.

Taya indile aagundjuka yokiikandjohogololo ya gandje oshiholelwa oshiwanawa yo ya kaleke omidhingoloko dhawo dha yela. “Inatu kaleni owala twa tega epangelo litu longele uuwanawa tse itaatu wu longo tse yene,  otse aaleli yokomongula onkee natu longeni ngaashi ta tu vulu tse tu gandje iiholelwa iiwanawa kaanona mboka taya putuka, otwa tegelela aagundjuka yetu wayimine muDesemba sho ta tu ka longa epala lyondjamba mokukaleka omudhingoloko gwetu gwa yela,” Isaacks ta gwedhapo ngaaka.

Cleaning-campaign1

LEAVE A REPLY

Please enter your comment!
Please enter your name here