Boet natango a pititha okangalo kamwe

0
246

 

ONDANGWA – Omuhikingalo omuNamibia Jonas “Boet” Mungungu natango ota longo nuupenda opo a yambulepo oshitalenti she, ye a humithe woo komeho ehangano lyaahikingalo aaNamibia, nokuli tula pondondo yopombanda.

Boet omvalele yaShakati okwa holola kutya nonande kashishi oshipu okukala mehangano lyaahikingalo ota longo ngaashi tashi vulika ye a kale a gandja etumwalaka lye ta li pitile moondjimbo.

Momasiku 22 Aguste okwali a pititha okangalo ke kamwe hono ka kala ka tegelelwa koyendji. Okangalo hano otaka ithanwa Satulongo, hono ta ti okwe ka nunina omuNamibia kehe nokwa hala ka kale ka pulakenwa nawa oshoka otaka hokitha ko okena etumwalaka lyayela nawa.

“ Ondina okulonga ngaashi tashi vulika sho osho okangalo kandje hano nda pititha ngaashingeyi taka ithanwa Satulongo, naashino osha hala kutya omuntu ngele oto longo nena opo owala to mono sha, ngele owu li megumbo wa mwena nena kehulilo lyesiku kuna sho to pondolapo,” Boet ta ti ngaaka.

Pethimbo ndika Boet okuna oalbuma ye yotango ndjoka a pitithile petameko lyomvula ndjika no hayi ithanwa Unexpected Arrival, ta holola kutya uungalo mboka wulimo owu holike koyendji. Boet mokangalo ke Satulongo okwiimba oye awike, nokwa hokolola kutya oshe mu pula konyala ethimbo lyuule woomwedhi ne (4) opo a kale eka tula poshitaafula noka dhindwa nawa.

Mokangalo ke hono opo a pitha okwa imba paludhi lokwaito oshowo lwo Afro-pop. Ta ti konyala okangalo haka ohaka dhana kooRadio ngaashi Omulunga,Base FM ,Fresh FM, Radio Energy, National Radio oshowo koradio yOshiwambo miilonga yoNBC. Boet ta gwedhapo kutya okuna ethaneko opo a kale a pititha okamusikI Vidio ka Satulongo hono ta ti okwa tegelelwa ka kale ka pita pehulilo lyomwedhi nguka. Okwa uvaneke woo ta kala a pititha oalbuma ye ontiyali ndjono yili nale miilonga ta ti otayi kala ya pita petameko lyomvula ta yi ya (2016).

Okwa pandula ayehe haye mu yambidhidha mokuyambulapo oshitalenti she shokwiimba, ta indile aahikingalo aaNamibia ya longele kumwe mokuhumithakomeho oongalo moshilongo, yo ya tsikile noku gandja etumwalaka tali tungu moshigwana.

 

LEAVE A REPLY

Please enter your comment!
Please enter your name here