The Dogg a tseyitha oalubuma Respect My Hustle

0
1201

WINDHOEK-Omwiimbi dhingi gwoKwaito omuNamibia Martin Morocky a tseyika nawa nedhina The Dogg, ota ka ulika nokutseyitha oalubuma ye onti10 yedhina Respect My Hustle, Etitano ndika poPalm Tree Park.

Euliko netseyitho ndika otali ka mona ishewe sho The Dogg ta eta omuimbi ngoka ha imbi oongalo dhoHouse omuSouth Africa gwedhina Heavy K, sho na ye ta ka ulika uunongo we pamwe naThe Dogg. Iitalenti mbyoka yomoshilongo tayi ka kwathela The Dogg moku ulika oalubuma ye ongaashi nee Oteya, Chester, Sally, Young T na Female Donkey.

Oalubuma ndjika yaThe Dogg oyi na ehwata lyoongalo 15, moka mwakwatelwa uungalo ngaashi Bye Bye naThe Kings, mboka wa li wapiti nale. Shika otashi ka kala oshikando shotango sho The Dogg taka pititha oalubuma ye moomvula mbali, sha landula oalubuma ye ndjoka yahugunine yedhina Live or Die.

Uutekete opo wu ye mehala moka tamu tseyithilwa oalubuma ndjika otau ka pula oodola dhaNamibia 100 posheelo omanga N$ 150 ngoye to pewa okaCD. Omiyelo otadhi eguluka pohetatu yokomatango.

LEAVE A REPLY

Please enter your comment!
Please enter your name here