Esiku lyeinyanyudho lya shambula aaKahandja Park

0
214

 

Windhoek – Okapale kuudhano kedhina Okahandja Park Sports Field, keli molukanda  lwiipeleki lwedhina Okahandja Park kuumbangalantu woVenduka  oka li kuudha eipyakidhilo  omasiku ga piti. Omaipyakidhilo ngoka oga etwa komulongekidhi gwomaudhano Tangeni Nakale ngoka a li a longekidhile oshigwana shomolukanda ndoka omainyanyudho gesiku.

Omuholi guudhano a tseyika nawa, Nakale okwa tameke oshikonga monkalamwenyo oku pa aagundjuka yomOkahandja Park etegameno oshowo okuya nkondopeka okupitila momaudhano.

Nekwathelo pashimaliwa oshowo pailongitho yilwe okuza komahangano ngaashi Marathon Sugar, Fruit & Veg oshowo Coca Cola; Nakale okweetapo oye awike noku longekidha oshikando shotango esiku lyokwiikutha ezaza hali ithanwa Tangeni Nakale Fun Day . Ndika okwa li eli ningi mu Maalitsa nuumvo nelalakano okupa aanona aanasikola ompito yokuulika iipewa yawo muudhano omanga wo  mbaka taya ikutha ezaza noku inyanyudha pamukalo ngoka. Konima yokweenda nawa kwe longekidho lyotango Nakale okwa faalele ishewe olukanda nduka esiku lyokwiinyanyudha, ndyoka lya li nuudhano wokumatuka ookilometa mbali . Ethigathano lyokumatuka ndika olya hili aakuthimbinga yeli 40 ya thikama maanona yomimvo dha yoolokathana, mboka ya kuthombinga noku pewa oonzapo oshowo oompunda dhina omagano omanga  mboka inaa ya sindana ya li ya pewa ojuice okunwa oshowo uukokotwanima opo ya vule okwiinyangusha.

“Otandi pandula  oshigwana shomOkahandja Park ashihe sho sha yambidhidha esiku lyomainyanyudho ngaka shiitulamo oshowo oku kutha ombinga mulyo, osha li oshiwanawa unene  oku mona aakalimo ayehe ya holokela puudhano mbuka.Elalakano lyandje okupa aanona ompito opo ya kuthombinga oshowo okwiinyanyudha monkalo yi li nawa oshowo ya kale yii kutha uuza,” Nakale  a ti.

Nakale, okwa indile wo aaholi yomaudhano aanamutimahenda opo ya joine onkambadhala ye ndjika okuguma onkalamwenyo yaaNamibia mboka yaa li monkalo ombwaanawa mokumwenya kwawo, okwa ti okuna omathaneko okulongekidha ishewe esiku lyomainyanyudho ngaandika kuyele omumvo tuuka, shiikwatelela kekalepo lyaakwashilipaleki.

LEAVE A REPLY

Please enter your comment!
Please enter your name here