Etukulo loshikukuta itali ende nawa moLüderitz

0
268

 

Lüderitz – Okwa didilikwa etukulo leendja modoolopa yaLüderitz moshikandjohoololo sha !Nami#nus  moshitopolwa sha  //Kharas itali ende nawa. Ovakwashiwana vamwepo mo doolopa ova tumbula kutya omukalo oo taulongifwa moku topola oshikukuta mo doolopa itau ende nawa.

“Ovanhu ovo hava tambula oshikukuta modoolopa ya Lüderitz, ovo tuu ava veli shili momhumbwe yeendja”? Epulo eli ola pulwa ku vamwepo vomodoolopa, tava tumbula kutya, “ovanhu vahapu oto hange tava di koilonga unene tuu keefaablika, ngaashi ko Pescanova, veli momakalanyana avo oilonga ndele oha vai va ka havale oufila woshikukuta, oo hau havalwelwa pombelewa yoshikandjo hoololwa sha !Nami#nus.”

Meenghundafana nOmukwatakanifi wo HIV moshikandjohoololo sha !Nami#nus, Erica Jason oo twa hanga eli pyakidila noku tokula eendja doshikukuta pombelewa yoshikandjo hoololo okwa tumbula kutya, onghalo oye va fininika opo va kale hava havaleke eendja doshikukuta pombelewa yoshikandjohoololo.

Jason ta tumbula kutya kashifi shipu, oku mona kutya ou eya okuhavala oye tuu shili ena omhumbwe yeendja. Ta ti nale okwa li vena eekomitie momalukanda odo hadi dilike ovo vena omhumbwe yeendja, noupyakadi owa ka holoka eshi otuwa tai twala eendja kolukanda lonhumba, voo ova kwashiwana otava nhukile motuwa tava umbumo omakutu oufila.

Ta tumbula kutya pefimbo lopaife ohava kwatafana novanhu ovo hava teleke osopa momalukanda a yooloka, tava pula omwaalu wovanhu ovo hava havala osopa voo tava tumuko omakutu oufila a yeleka mwaa vo tava pewa omakutu avo eshi tava i kehavalo losopa.

Jason onga omukwatakanifi wo HIV moshikandjohoololo, okwa tumbula kutya ohava twala yoo omakutu oufila po kapangelona opo ovanaudu vo HIV hava ka tambula omiti, voo tava pewa omakutu avo oufila. Shama va mane okutofamo ovo , opo nee ngeno va teelela ovakwashiwana ovo vena omhumbwe vaka havale pombelewa, tava twaalele, oumutwe vavo. Jason ta tumbula kutya omukalo ou oha va dulu okushakeneka ovanhu vamwe ohava longo, ndele ota veya ashike okuhavala oufila woshikukuta, woo ngeno owa nhuninwa ashike ovanhu ava veli momhumbwe yeendja.

“Oto hange ovanhu vatatu hava di meumbo limwe, omushamane nomukulukadi aveshe hava longo naau ha kala nounona meumbo, keshe umwe ena okamutwe eya okuhavala oshikukuta, omakutu eli a tatu taai meumbo limwe poshikando ,omhanga pena ovanhu va pumbwa shili oikulya ongee omo doolopa ya Lüderitz ile okeenhele dimwepo moshilongo,” umwepo womovakalimo vo mo Lüderitz osho a tumbula.

LEAVE A REPLY

Please enter your comment!
Please enter your name here