Fredericks a hogololwa oshilyo mewiliko lyoIAAF

0
241

 

Windhoek-Omunedhina mo ku matuka ondapo yoshidhudhu gwaNamibia, Frank Fredericks okwa hogololwa a ninge oshilyo shewilikongundu lyolutu lwOpaigwana lwo Atletika nenge [International Association of Athletics Federations (IAAF)].

Fredericks oye a li komeho momahogololo giilyo iipe mewiliko lyoatletika muuyuni , pethimbo olutu nduka lwali lwa gongala mokongressa yalwo omanga uudhano womanyakwa guuyuni inawu tameka mo Beijing sha China omwedhi gwa yi. Oshigongi oshiwiliki shuudhano woatletika oshali sha ningilwa mendiki lyopashigwana lya China ,moBeijing.Moshigongi shoka Sebastian Coe omukwashigwana gwa Britania okwa li a hogololwa  a ninge Omuperesidende gwo IAAF.Omanga Fredericks oye a li a thigipo aakondjithi mboka wo ya li ya hala okuwilika ehangano ndika.Fredericks okwa hogololwa oku ninga oshilyo oshipe sholutu nduka nomawi geli 185 nokwa landulwa ku Hiroshi Yokokawa gwa  Japan nomawi 98.

Omukwashigwana gwa Suoomi, Antti Pihlakoski okwe ya pehala etitatu  sho a mono omawi 84 votes, Bernard Amsalem gwa France ta mono omawi omilo75, Mikhail Butov gwoko Russia okwe ya puutitano nomawi omilongo  69 ye Adille Sumariwalla goko India ti ilikolele  omawi omilongo 61. Nawaf Bin Mohammed Al Saud goko  South Africa oye eedhileko niitsa 55 votes.

Ewiliko epe lya IAAF otali ka la noku kwatelwa komeho ku Coe, ngoka a pingenepo Lamine Diack gwa Senegal ongo omuperesidende konima sho a dhenge omunuki gwompani nale   Sergeey Bubka goko Ukraine. Iilyo mbika oya hogololwa okukala mewiliko ndika uule womimvo ne, okuza 2015-2019.

Bubka okwa hogololwa ongo gumwe gwaapeviperesidende yane sho a mono omawi 187.Aapeviperesidende yalwe yatatu oyo  Dahlan Al Hamad gwaQatar a mono omawi 159, Hamad Kalkaba Malboum gwaCameroon a zimo nomawi 115 oshowo Alberto Juantorena Danger gwa Cuba eedhilako nomawi 111.

Iilyo yilwe yewilikongundu oombyoka ya kalelapo iitopolwa ine yo oyo Svein Arne Hansen gwa Norway a kalelapo  Europa, Victor Lopez gwaPuerto Rico a kalelapoNACAC, Geoffrey Gardner gwa Oceania na Roberto Gesta de Melo gwa Brazil a kalelapo South America.

Sho a popi noonkundana dhoBBC konima yokongressa ndjika  omutondoki gwoshinano sho 200 m oshowo omusindani gwoombandi dhoshisilveli muudhano wOlympiga okwa halele Coe,ompolo, newiliko ewanawa molwehogololo lye ongo omuperesidende gwo IAAF. A ti omukwashigwana gwaBritania nguka okuna ontseyo oyindji okuwilika olutu nduka oshowo okuhupitha oatletika muuvu wokufukila sho aadhani haya kala nokulongitha iingangamithi opo yaa loloke ngele taya matuka.

Fredericks, enyakwa lyiikando oyindji muuyuni oshowo omusindani awike gwaNamibia ena ombandi yOlympic, oye omutondoki omukuluntu muuyuni sigo onena ena orecorda yoku matuka oshinano shoometa 200 meni lyoosekonde omilongo 20. Fredericks okwa sindanene oshinano shika shoometa 200 mu Roma omumvo 2002 methimbo lyoosekonde 19,99 manga ena omimvo 34 nomasiku 283.Fredericks okwa matuka kohi yoosekonde 20 moshinano shika iikando yili omilongo 24.

Frank-&-Coe

LEAVE A REPLY

Please enter your comment!
Please enter your name here