Indongo ota ka kondjela epaya ko Russia

0
265

 

Windhoek – Julius ‘Blue Machine’ Indongo, ngoka a li ena oku ka kondja olugodhi lwe ehuliloshiwike ndika moNdowishi , ota ka kondjitha enyakwa mondjundo ndjoka momasiku 24 ga Septemba mo Russia.

Indongo ota ka shonga enyakwa mondjundo yo Junior Welter weight yehangano lyoongonyo lyo  International Boxing Organisation. Enyakwa ndyoka sigo oompaka iinaali lola okudhengwa olyo Eduard Troyanovsky omukwashigwana gwa Russia.

“Olugodhi nduka olunene olwa li lwa thanekwa okukalako Olyomakya ndjika moNdowishi, ihe konima yoonkundathana pokati koongundu mbali moka tamu zi aambokisi mbaka , olugodhi otalu ka kondjelwa ko Russia. Eduard omumbokisi gwopomuthika guuyuni na ina sindika natango momalugodhi ngoka a kondja ge li 22.Nguka okwa kala moNdowishi nonando ye omukwashigwana gw aRussia. Julius naye wo ina lola natango okusindika momalugodhi 17 ngoka a kondja, naashika otashi ningitha olugodhi nduka lu kale olwaanawa,” pahapu dhomudheuli gwaIndongo Nestor Tobias.

“Tse otwa nyanyukilwa eilongekidho lyetu sigo oompaka no ka tuna mpoka tu uvite kutya olugodhi otalu ka kalako uunake nopeni, sho osho twa zimine  elunduluko mesiku oshowo mehala mpoka olugodhi nduka talu ka ningilwa. Shoka sha simana okutya Julius okwiilongekidha nawa, okwa ndjangumukwa sha pitilila ye ishewe okwa ngungumana a taalela netagameno kwaashoka  ta ka longa mesiku eti 24 lya Septemba ngele lya thiki,”

LEAVE A REPLY

Please enter your comment!
Please enter your name here