Omusati gwa popile ekopi lyoSkorpion Zinc

0
268

 

TSUMEB – Omuthangi gwomatanga ga nananwa ye ishewe omudhani gwokomeho mosipana yokoshitopolwa Omusati okwa longo nuudhiginini okukaleka ekopi lyo Skorpion Zinc moshitopolwa shoka oshikando oshitiyali.

Seveleni Esindo oye a tulamo okoola yimwe ayike pethimbo lyuudhano wawo wa hugunina noshitopolwa shaShikoto nongeyi okwa fala ospana ye kesindano pethimbo lyethigathano etiyali lyokudhanena ekopi ndyoka lyakwashilipalekwa komina ya Skorpion Zinc. Uudhano mbuka waadhani yokohi yomimvo omulongo naheyali owa li wa dhanenwa mOshomeya ehuliloshiwike lya piti.

Ospana yokOmusati oya pitile methigathano edhigu sho ya li ya dhengwa mongundu yawo nookoola 5-1 kospana yokoshitopolwa Khomas.Ihe Elago enene ospana yokOmusati oye shi pondola okukala muudhano sigo oya yi kedhingoloko lya hugunina hoka omudhani gwokomeho Esindo a tulamo okoola yimwe  konima sho oospana ndhika dhaa adhika ashike opo dha dhana konyala uule womintue 15 medhingolok lyotango. Yo okoola ndjoka oyo ya sindanitha ospana yokOmusati noku gamena ngaaka ekopi lyayo, ndjoka ya sindanene sho uudhano mbuka wa li wa dhanenwa lwotango koKaiti.Ospana yokOmusati oyo wo enyakwa lyekopi lyoshifo sho The Namibia lyonuumvo.

Omusati ogwa piti okuya kedhingoloko lyosemifinala sho ogo gwa li guna iitsa iihwepo mongundu yawo gwa landula oshiotpolwa sha Khomas.Omusati ogwa ka tsakanena nospana yokoshitopolwa sha Kavango Uninginino ongula yoSoondaha ya piti. Aadhani yokOmusati Joel Manya, Menas Shiyuka na Isak Shigwedha kehe gumwe okwa tulamo okoola nongeyi Omusati ogwa dhenge Kavango Uninginino nokoola 3-2.

Muudhano wosemi onkwawo ospana ya Khomas oya tsakanene naandjoka yokOshikoto, nando Khomas kwali a tegelelwa tashi vulika oye ta sindana po ekopi ndika , ina vula okupitapo pospana yomOshikoto. Oshoka ospana yaShikoto oyo ya li megumbo na oya tindi okudhengelwa maandjawo onkene ndjika oya tulamo okoola mbali okupitila momalukaku gaadhani Paulus Paulus na Rhoney Hangala.

Ospana ya Khomas oya ka hekelekwa moku mona ehala etitatu sho ya ka dhenga ospana yokoKavango Uninginino nookoola 4-0. Adhani Jay Jay Kordom, Dawid Morgan oshowo Frans Beukes oyo ya thangelemo ookoola ndhoka.

Aadhani oohandimwe mboka ya pewa omapapa ongaashi omudhani mospana yokOmaheke , Augustinus Hobexab ngoka a pewa epapa lyolukaku lwoshingoli molwashoka oye a tulamo ookoola odhindji evule ooyakwawo muudhano auhe.Nguka okwa thangelemo okoola hamano. Oye wo ishewe uulikwa omudhani dhingi methigathano ndika . Pethimbo lyethigatahno ndika okoola adhihe kumwe 70 odha li dha thangelwa mookoola dhoospana dha yooloka dhiitopolwa ayihe yili 14.Uudhano mbuka owa li wa dhanwa uule womasiku gatatu kaadhani yokohi yomimvo 17.

Sebron Sheelongo gwospana yOshikoto okwa pewa epapa lyoshikaha shoshingoli molwoku kwatamo nawa omatanga, omanga Willem Haitembu  gwokoKhomas oye a pewa epapa lyomuhiki dhingi puudhano mbuka.Omanga oshitopolwa shErongo osha pewa epapa lyokudhana nawa mokapale oshoka ospana yaahoka oyo  yimwe ndjoka aadhani ya yo ya pewa uukalata nomakumagidho omashona okuza kaahikihiya pethimbo lyuudhano mbuka.

LEAVE A REPLY

Please enter your comment!
Please enter your name here