Oovan Ginkel mepandaanda molwa uulunga

0
343

 

OSHAKATI – Omusamane Rudi van Ginkel nomukadhi Hannelie van Ginkel oyali yiiyadha meepandaanda sho yali ya tidhwa kiilonga molwa uulunga wiikulya, oothewa noshowo omalaka guukwamuhoko.

Oovan Ginkel oyali haya longo ko Namibia Lodge 2000 and Safari yomusamane Chief Samuel Ankama hono yali ya tidhwa molwa uulunga. Oovan Ginkel oyali ya lombwele oshifo shino kutya oyali ya tidhwa miilonga shaali paveta oonzo odhali dhe shikoleke kutya aantu mbano ka ye shi aainekelwa.

Ashike Omusamane Ankama okwa a lombwele oshifo shino kutya Rudi okwe mu kanithila ookastoma oonkulu momaihumbato omawiinayi.

“Otwe ya tidha shaashi oyena uukwamuhoko. Omusamane ngono Rudi okwa li po nokuli a nyenyetele po nomutungi kwali ta tungu, emutidha po pillonga ye omanga inaamana okutunga, sho kaa shishi iilonga yaRudi oku gandja oompango komutungi. Ngele owahala uuyelele, pula owala kaalongi polodge mpo yekulombwele nawa,” osho Ankama a ti.

Oovan Ginkel mongashingeyi ootayelayela pomahooli pOneshila mOshakati mpoka ya ningi omasiku taya lala okuza Osoondoha ya piti. Monena oya ligamena kaasihenda mboka ta ya vulu okuyapa iilonga oshowo omulalo oshoka kayena egumbo.

“Tse eelodge odho omagumbo getu omolwaashoka tatu kongo iilonga yomeelodge,” Rudi osho a yamukula sho Kundana e mupula kutya kaandjawo openi.

Elelo lyo Namibia Lodge 2000 and Safari olyali lya koleke kutya oovan Ginkel oya tidhwa owala molwa oonkalo dhawo.

“Omukulukadhi okwali ha yaka iikulya mokombitha, oothewa nomolwaashono a li a kuthwako oopaleke oondunda,” omuleli gumwe a hokolola.

Elelo olya li lyiikanyuna kutya Rudi oye a li omutonateli goLodge.

“Rudi okwa kutwa a pangele nokuukililitha iinima nokoopaleka okangwena ihe keshi omutonateli ngaashi ta ti,” omuleli ta tsikile.

Mokukala pomahooli, oovan Ginkel oyali ya mono aatalelipo oyendji mbono nokuli ya li yeya sile ohenda sho ya li ya gongele iimaliwa opo yawape ya fute ohotel okupendukila etitatu.

LEAVE A REPLY

Please enter your comment!
Please enter your name here