Osipana Amupapala ya sindana ekopi lyaMatimba

0
261

 

WINDHOEK-Osipana yAmupapala oye shi pondola oku sindana po ekopi lyuudhano wokatanga kokoompadhi lyaMatimba Cup oshiwike sha ziko sho ya dhenge mo Oshaango 4-2 ko ku tsikinika.

Matimba Cup oha dhanwa kehe omvula nelalakano okuhanganitha aantu nokudhimbulukwa esiku lyOmapendafule moshilongo, okupitila muudhano wetanga lyokoompadhi.

Nuumvo oshali oshikando oshitimulongo tali dhanwa mono lya dhanenwa pokapale ketanga poNatangwe Ugwanga Primary School mOnangombe. Amupapala okwa yangatapo oodola dhithike poN$2 500 koomuma, Ekopi noshowo oombandi dhoshingoli omanga Oshaango shoka shali sheya pehala etiyali sha li sha yangatapo oombandi dhoshisiliveli omilongo 20 no ya yi kegumbo noodola N$1 300.

11 Brothers ndjono yeya pehala Etitatu oya yi noodola N$600 omwaalu, gwa faathana nospana Oshiyela ndjono ye ya pehala etine.

Omutotipo nomuwiliki gwekopi ndino Matimba Moses okwa holola enyanyu sho ombepo yuudhano ya pangele osho wo sho oosipana dhopomudhingoloko oshowo dhokokule ndhono dha kwatelepo ekopi likalepo sigo oomvula omulongo sho aluhe hadhi  kutha ombinga kehe omumvo.

Ta pandula wo aanangeshefa yo pomudhingoloko sho haya kaleke ondjala nenota kokule pethimbo lyuudhano, shino wo hashi kala ompito ombwanawa yo kukandula po onkayi. Ota pandula wo kehe gumwe ali a kwathele opo ekopi lyeende nawa kutya opa ku longekidha, pa ku dhana no pa ku yambidhidha nosho tuu.

LEAVE A REPLY

Please enter your comment!
Please enter your name here