Aadhengingonyo aaNamibia  kedhingoloko lyo-16

0
302

 

BRAZZAVILLE – Aadhengingonyo yatatu yaNamibia oya piti nokuya kedhingoloko lyaadhani 16 muudhano woongonyo puudhano waAfrika alihe nenge All Africa Games (AAG) mboka wuli metifa moshilandopangelo sha Congo shedhina Brazzaville.

Aadhengingonyo mbaka ya li ya mbokisa mOsoondaha oye li oshitopolwa shaadhani omilongo  79 yaza koNamibia mboka ya kalelapo Evi Lyomapenda  puudhano uuti- 11 wa AAG, mboka wa tamekele mEtitano lyoshiwike shayi. Aadhengingonyo yatatu mbaka oyo omutaambi gwombandi yoshisiliveli yuudhano wo Commonwealth 2014  Junius Jonas ngoka adhengemo  Adilson Justin gokoAngola niitsa mondjundo yookilograma 64 ; Lazarus Shaningwa ngoka a dhenge Idrissa Gueye omuSenegal emu dhenge niitsa mondjundo yookilograma 60kg  oshowo Mujandjae Kasuto ngoka a dhenge Anwar Koa omuSudan yimwe nopevi medhingoloko lyotango mondjundo yookilograma  74.

Aambokisi yalwe yaali yaNamibia, Fillipus Nghitumbwa na Immanuel Shaanika –oya kanitha omalugodhi gawo Osoondaha oyo tuu ndjoka. Nghitumbwa okwa dhengwa niitsa ku  Khauhelo Mothunyane gwaLesotho mondjundo yookilograma 56  omanga  Shaanika okwa kanitha olugodhi lwawo na  Alwa Botsoike gwoko Seychelles mondjundo yookilograma 69 konima sho omuhikihiya a hulithapo olugodhi molwashoka omuNamibia okwa li a tetwa pevi lyeho lye lyokolumoho.

Aadhengingonyo yatatu oya kuthile ishewe ombinga momalugodhi gedhingoloko lyotango Omaandaha oshiwike shika.Iilongo omilongo 54 ota yi kuthombinga muudhano mbuka tau thiki pehulilo momasiku 19 gomwedhi nguka.

Konyala aadhani yeli lwo paantu omayovi 8 000 otaya kuthombinga momaudhano geli lwopomilongo 22, mu ngoka muna gokutondoka nokudhana mokapale  oshowo okuyoga ontente kwaadhani yena uulema. Namibia ota kuthombinga mokudhenga oongonyo, oatletika, okukayila ombasikela, okarate, okuyoga, otennisa, otennisa yokoshitaafula, gymnastika oshowo uudhano wanuulema.

LEAVE A REPLY

Please enter your comment!
Please enter your name here