Euliko lyoalbuma ya the Dogg inali enda nawa

0
431

 

WINDHOEK-Omuimbi gwoKwaito dhingi  Martin Morocky, a tseyika nawa nedhina moongalo The Dogg, okwa ndopa okunyanyudha aaholi yoongalo dhe pethimbo lyeuliko netseyitho lyoalubuma ye ompe yedhina Respect my Hustle ndjoka lyali lyaningilwa moshilando ehuliloshiwike lyapiti.

Kakele ashike ku The Dogg, naahikingalo mboka yomoSouth Africa Drumboss Heavy K naSpeedy, nayo anuwa ina ye shi pondola okumwenyeka nokunyanyudha aatali mboka yali ya holoka poshiindingili shika shali sha talikako shimwe tashi ka kala sha dhenga mbanda moshilongo.

Pethimbo manga euliko netseyitho lyoalubuma ya The Dogg inaa yi tameka, epiyagano olyali nokuli lya etwa kaaniilonga mboka yoMashasho Production, ehangano lyaThe Dogg lyoongalo, mboka yali ya tameke oku ipamo momalako omawiinayi sigo sha ka hulila mepingathano lyoonyala, shoka ishewe sha li sha halutha aatali mboka yali ya kwata kuumbanda.

Kakele ashike kwaashoka, etseyitho ndika ka lyali nande lya udha oshoka omwaalu ashike gu thike lwopaantu 600 gwaatali, moka nokuli nomambako gali itaaga kwelengendja  nawa.

Aahikingalo mboka yali inaa ya ulika uunongo wa wo ngaashi ha ya ningi shito, ngaashi Oteya, Female Donkey, Satlam na Sunny Boy. Kakele kwaashoka, The Dogg ngoka ali a tegelelwa ethimbo opo a kale a ulika uungalo we uupe, okwa ka tameka ashike ta imbi oongalo ndhoka oonkulu, shoka nokuli sha tameke oku kothitha aatali.

 The-Dogg-1

LEAVE A REPLY

Please enter your comment!
Please enter your name here