Natu lyeni oohi oshoka odhina uundjolowele

0
309

 

ONGWEDIVA-Ngoloneya gwoshitopolwa shaMusati, Erginus Endjala okwa tumbulake ongeshefa yoohi ta ti oya eta elunduluko moshigwana unene kwaamboka haye dhi landitha opo ya mone mosha .

Endjala okwa ti ongeshefa yoohi yedhina Fish Consumption oya eta elunduluko mokukalamwenyo kwaa kwashigwana unene tuu mboka ya kutha ombinga mokungeshefa noohi.

Ngoloneya ngoka a popi na Kundana mongodhi oshiwike shayi okwa ti kutya oohi odho onzo yuundjolowele ndjoka ya simana molutu lwomuntu kehe na odha pumbiwa oku liwa.

Okwa tothamo kutya yimwe yomoovitamine ndjoka hayi zi moohi noya simana oondjoka yomega 3.

Ta ti omega 3 ohayi kwathele moku longitha omadhilaadhilo gomuntu nawa. Na oya pumbiwa uunene maagundjuka.

Okwa tsu wo aakwashigwana omukumo opo ya holoke momwaalu omunene kOutapi oshiwike shika opo ya ka tyapule esiku ndyoka lya nuninwa owina oku tyapula nokuly  oohi.

Ngoloneya okwa ti aakwashigwana na ya ye opo ya ka ilonge omaludhi goohi ngoka geli mefuta lyaNamibia noshowo oku lola oohi ndhoka.

Endjala okwa ti ota ku ka kala uulalelo momasiku geli nena omanga ongula mOlyomakaya 12 ta ku ka kala etyapulosiku lyoohi noshowo iipindi iishona moka mwa tegelelwa aakwashigwana ya kuthe ombinga mokulanditha iilandithomwa yawo ya yooloka.

Okwa li woo a komenda kutya ongeshefa yoohi ndjika oyi lile po oshigwana oshoka oohi dhawo odhina ombiliha.

LEAVE A REPLY

Please enter your comment!
Please enter your name here