NFCPT okwa hala oshiwana ashishe shilye eeshi

0
244

Omunani nomukwateli komesho Wehangano loNamibia Fish Consumption Promotion Trust (NFCPT) koNooli okwati ekalapo lehangano laye olo oku fya oshisho kutya keshe omuNamibia okwa dula oku lya eeshi.

Eugene Diwanga meenghundafana naKundana Eugene Diwanga okwa ti, oNFCPT ehangano la dikwa po kepangelo, oku fikifa eeshi koshiwana.

De\iwanga ta ti elelakano lokulandifa eeshi koNFCPT kali shi nande ngeno oku landifa kovanhu opo v aka landifulule eeshi, voo va ninge ongeshefa, ashike oku landifa eeshi kombilixa opo keshe umwe a dule okulya eeshi, teshi ningi ta i mondjato eexulo deenyala.

Eekilogram 10 do horse mackerel, oyo ya shovika nawa nedina masbankel koNFCPT dili momaunene a yooloka odili ashike meni loN$100, okuyelakanifa nokeefitola dikwao oko dili pondando ifike po N$150 no N$200, ile i dulife po nokuli.

Kakele koomasbankel, ofish consumption ohai landifa yoo eeshi dookangulu, ookashushu eehake nomakende.

Mongaha, eefitola do NFCPT ohadi monika mEenhana, mOndangwa, mOutapi, kOpuwo nomOngwediva omo muna ombonge yakula monooli.

Ashike nande eefitola oda fa ngaho dihapu, luhapu peefutola odo pena omikweyo dile dile.

Diwanga ta ti nande ehangano oli na ehalo okuninipikwa omikweyo peefitola dalo nola kendabala okushininga, ovakwashiwana ova ningila ehangano onghalo idjuu shaashi ovo vena eengheshefa onghee ngaho tava kendabala va lande eeshi dihapu op ova shive va ka landife.

Eshi vati ohave shi ningi nee tave lishuna momikweyo mbali luvali, nefimbo limwe nokuli oh ava kutu ovanhu mwa kwatelwa ounona vofikola opo va shive okulanda eeshi dihapu.

Pamufindalandu wehangano, omunhu keshe okwa ofwa opo ashike a lande eeshi doshivixa sho 10kg, pefimbo limwe. Ashike shaashi ovanhu vahapu oha lande opo vaka landife, ohave i neetuwa deebaki odo hava fiye oshinano shili kokule kanini, voo tave kala tava lande tava tutu, nokulishuna meelaina, ile tava kutu ovanhu vamwe va lande peenhele davo, voo tave va futu.

Eshi Diwanga otati osho hashi eta omikweyo dile dile koufitola veeshi, na oha shi djuupalele ovo va hala okulanda eeshi v aka palule ovaneumbo vavo.

 

LEAVE A REPLY

Please enter your comment!
Please enter your name here