Oalubuma ya Sally “Mukwanekamba” osho yathiki

0
340

 

WINDHOEK-Ondjumbeta mokwiimba oongalo dho Afro pop, Shamboo nosho wo omithigululwakalo, Selly Ephraim Keya, a tseyika nawa koyendji moongalo nedhina Sally aka Boss Madam, osho a pititha oalubuma ye ontiyali yedhina  Mukwanekamba, oshiwike shika.

Oalubuma ndjika yi na ehwata lyoongalo  13 oya kala noku tegelelwa koyendji, konima sho Sally ali apititha oalubuma ye yotango ndjoka ya li ya dhenga mbanda yedhina Courage (Omukumo).

Oalubuma ndjika yi na omulyo gwomuthigululwakalo ota yi popi kombinga yomithigulwakalo dhopaife, na Sally ota imbi ta ti ye oye omukwanekamba, naantu ina ya mona akalako ngele ina pititha mbala oshoka oongalo dhe ohadhi kala tadhi telekwa nawa.

Okuza ashike kongalo ndjoka yotango yalukilwa oalubuma yedhina Mukwanekamba sigo okuya hugunina tayi ithanwa Mwashala, konyala oongalo adhihe otadhi kupe omulyo omupeepeka ngoka gwo shiAfrica moka Sally a hogolola opo a kale ta imbi mongashingeyi.

Oongalo dha kwatelwamo moalubuma yaSally oondhoka dhoku ndaanisa piituthi ngaashi The Bigger the Better, naandhoka dhoku imbwa puulalelo mboka wa longekidhilwa owina ongaashi mongalo Ndikakwate.

Ongalo ndjoka yili ponomola ontihamano Sweet Love, Sally ota kwathelwa ku Fistone gwokoNdilimani yaNamibia, moka tamu inyenge oshiketala ta shinyotwa nawa pamwe nokahumba.

Oongalo odhindji moalubuma ndjika otadhi ulike uukokele was Sally moshitopolwa shoongalo dhaNamibia, oshoka odhindji dhomoongalo Sally okwa kutha onkatu ndjoka yopombanda oku dhi imba. Konyala oalubuma ayihe onyanyudhi no yi na etumwalaka tali tungu.

 

 

LEAVE A REPLY

Please enter your comment!
Please enter your name here