Okapale kUukwangula ka keli pomuthika gwoPremier Liha

0
248

 

OSHAKATI-Olutu ndoka halu lele oliha yopombanda moNamibia NPL olwa  tumine osheendo koNooli opo shiye shi konaakone uupale  uyali oku tala ngele owuli pomuthika gwoku dhanenwa omaudhano goliha.

Oshizemo shekonaakono osha holola kutya uupale awuhe uyali itau vulu oku dhanenwa omaudhano goliha molwomatompelo ga yooloka.

Ongwena yokapale kEmanguluko mOshakati oya nyaika na ka yili pamuthika gwokudhanenwa uudhano woliha yopombanda.

Okapale kopUukwangula okeli monkalo yili nawa ashike ka kena ondhalate ndjoka ta yi gamene aadhani, ndjoka ya tseyika nawa “security fence” ondhalate ndjika hayi kala pokati kokapale nehala mpoka hapu kala aayambidhidhi na oha yi keelele aayambidhidhi opo kaa ya mbolokotele mokapale.

Oshizemo shika oshili osha dhenga osipana yo Young Chiefs pomutima oshoka ngele ina puningwa sha mbala nena oya tegelelwa yi ka dhanene uudhano wayo kOshomeya nenge koondoolopa ndhoka dhina uupale wuli pomuthika gwa taambiwako koliha yopombanda.

Ewiliko lyo Young Chiefs olili muudhigu  na oliwete kutya aanambelewa yo NPL oya kutha onkatu ta yi thiminikile osipana yawo kongudhi, na oshi li sha fa oompangela oku piyaganeka osipana ndjoka oyo ayike ya kalelapo oshitopolwa shokoNooli muudhano woliha yopombanda.

Damian Shuumbwa omudheuli omukulu okwa ti NPL oya ndopa oku ninga omakonaakono gayo ku yele, ta ti olutu nduka oluna olugama mbinga na ina lu hala nando oosipana dhokoNooli dhi kuthombinga moliha ndjika onkene ta ya dhana uukalata opo ya piyaganeke osipana yoYung Chiefs.

Edhingoloko lyotango lyoliha otali tameke ehuliloshiwike ndika moka Young Chiefs tayi ka ya molweendo okuya koRundu hoka tayi ka tameka uudhano wayo wotango.

Shuumbwa ota ti oyeli muudhigu molwashoka oya pewa ashike ethimbo efupi lela oku ungaunga noshikumungu sho “security fence”.

“Olugumbo nduka otalu pula oshimaliwa shuuka po N$ 50 000 na Young Chiefs keshi kutya iimaliwa mbika oteke yi adha peni.

Oonkambadhala okuya moonkundathana naanambelewa yo NPL odhali dha adha okwena kwa hula shoo oongodhi dhawo kaadhali tadhi kuthwapo.

Okapale kopUukwangula okeli kohi yUuministeli woMalelo gooNdoolopa neyambulepo lyiilando, ihe na ko ina ku za eyamukulo sigo Kundana ayi koshinyanyangidho.

LEAVE A REPLY

Please enter your comment!
Please enter your name here