Omililo dhalulile Kansela Amundjindi mUukwiyu

0
393

 

ONGWEDIVA-Kansela gwoshikandjohogololo Uukwiyuushona moshitopolwa shaShana Andreas Amundjindi okwa haluthwa keindjipalo lyiiponga yomundilo moshikandjo she .

Amundjindi okwa popi naKundana moshiwike shika konima sho e gumbo lyomukokele gwomoshikandjohogololo she  gwedhina Johannes Kambonde lya lungunithwapo thiluthilu kmulilo Omaandaha oshiwike shika.

Egumbo ndika ota ku fekelwa lya pi sho ngoka a lit a teleke onguta anuwa a thigi omundilo gwa tema pelugo shoka sha etitha opo nee oondunda dho pelugo dhi hwame sigo egumbo alihe nalyo lya kwatwa komulilo.

Ano shoka sha etitha egumbo li pyepo thiluthilu ooshoka kutya megumbo omwali mwa adhika ondunda yiipeleki muna omashina gatatu gogenerator ngoka ga ndwafuka sigo egumbo alihe tali pipo thiluthilu.

Amundjindi okwa ti mwene gwegumbo omukukole gwepipi lyoomvula omilongo 80  no  ita ka vula we okuli totulula oshoka ye nomukulukadhi gwe oya kulu pa.

Ndika egumbo etitatu ngashingeyi lyapi muule wiiwike iyali moshikandjohogololo shika.

Ashike Amundjindi okwa Indile  aakwashigwana aantimahenda ya kwathele omukulupe nguka naashoka yena po oshoka egumbo alihe olya pya po thiluthilu.

Omagumbo gaali ngoka ga pile oshiwike shayi ogali gapi sho aantu ya nwa omalovu gotombo anuwa oyo ye ga tomeke omundilo owina.

Ashike Kansela okwa kunkulile aakwashigwana ya kwate nawa omundilo oshoka otagu hana gula po omaliko gawo ye ga konga nuudhigu . Okwa ti shika otashi ningwa ashike ngele omundilo tagu dhimwa thimbo kehe aantu ya mana okugulongitha.

LEAVE A REPLY

Please enter your comment!
Please enter your name here