Orizza a imbi ongalo Apology

0
513

 

WINDHOEK-Omuimbi ngoka omugundjuka gwedhina Hafeni Immanuel, a tseyika nawa Orizza osho ishewe a imbi ongalo ye ompe yedhina Apology, ndjoka ngashingeyi tayi inyenge nawa mewangandjo.

Ongalo ndjika oya ningilwa omikwelengendjo ku M-Jay, no tayi kumagidha  opo aagundjuka yo paife yi ilonge okugandja ombili ku mboka ya ninga epuko.

Orizza ota ti ongalo ndjika otayi popi lela kombinga yiiningwanima yesiku kehe, onkalamwenyo, nomahepeko ngoka ha ga ningilwa aakiintu naanona na ishewe tayi longo aagundjuka opo ya yande omadhipagathano gopahole.

“Ongalo ndjika otayi longo ishewe oshigwana opo shikale shi shi okudhiminathanapo, noku kala nonkalamwenyo yili nawa komeho,” Orizza ta ti.

Haka okangalo okatiyali ka Orizza apititha oko akeke ka tengenekwa ka ka kale moalubuma ye ndjoka yili mondjila oku pita, tayi ka ithanwa Music Embassy.  Okwa ti ngashingeyi ota ka thaaneka okavidio kongalo ndjoka, shoka tashi kaningwa kuyele omwedhi tagu ya. “Ngame onda hala ashike okuninga oongalo ndhoka tadhi tungu nota dhi longo oshilongo ashihe koonoo, mwakwatelwa omapipi agehe,” Orizza ta ti.

Orizza okwa tseyika nawa sho ali ishewe a totele oshifo sha Kundana okangalo, hoka kali ka kwatelwa moalubuma ye yedhina Oshipaife, ya pitile omvula yazako.

LEAVE A REPLY

Please enter your comment!
Please enter your name here